PAMUNGKAAN 14:22 - BIBEL JAMITA NA DENGGAN

²² Dialusi si Abram ma, “Husumpahon ma di jolo ni Debata Na Gumincat i, na manompa langit dohot tano,

PAMUNGKAAN 14:22 ပူးပေါင်းရင်းမြစ်များ

PAMUNGKAAN 14:21

Didok raja ni Sodom ma tu si Abram, “Buat ma di ho barang na nirampas i, tapi anggo halakku mulak ma tu au.”

PAMUNGKAAN 17:1

Di na marumur si Abram sambilan pulu sambilan taon, dipatidahon Tuhan ma diriNa tusia jana didok ma, “Au do Debata Na Gumogo. Oloi ma Au jana patulus tongtong sanga aha hagiotKu.

PAMUNGKAAN 21:33

Jadi disuan si Abraham ma sada hayu tamariska jana disomba ia ma Tuhan Debata na manongtong i.

PAMUNGKAAN 24:3

Sumpahon ma mangasahon goar ni Tuhan, Debata na mangarajai langit dohot tano, bahaso na so jalahanmu boru sian halak tano Kanaan on di si Ishak anakki.

2 SAMUEL 2:5

disuru ia ma tusi maroban tona na mandok, “Sai dipasupasu Tuhan ma hamu, dibaen dipatuduhon hamu do na burju hamu tu rajamunu i marhite na mananom bangkena.

2 RAJA-RAJA 5:16

Dialusi si Elisa ma, “Hara ni Tuhan na mangolu i na sai huoloi, nada tarjagit au sanga na silehen-lehen bagi aha pe.” Sai dielek-elek si Naaman ma si Elisa anso ra nian manjagit silehen-lehennia i, tapi torus do ditulak ia.

1 JUJUR TAON 29:11

Tutu do Ho na godang, jana na markuaso. Marmulia do Ho, manongtong jana na godang. Ho do nampuna sasude na adong di langit dohot na di tano on. Raja na bonggal do Ho, na mangarajai sandok na adong.

MASMUR 144:11

Palua ma au sian podang ni halak na jungkat, palua ma au sian kuaso ni halak na asing na sai margabusi jana manipu, dohot na mambaen sumpa na so tutu.

MASMUR 144:8

na sai margabusi dohot manipu dohot na mambaen sumpa na so tutu.

MASMUR 24:1

Tuhan do nampuna tano dohot pangisina, portibi dohot sude na manginganisa.

MASMUR 83:18

Anso diboto halahi hum Ho do Tuhan Na Gumincat, Tuhan, na mangarajai sandok portibi.

HARURUAR 6:8

ObanonKu ma hamu tu luat na dung Hujanjihon hian di bagasan sumpa tu si Abraham, si Ishak dohot si Jakob; lehenonKu ma tano i gabe nampunamunu sandiri, Au do Tuhan.’ ”

JESAYA 57:15

Angke songon on do pandok ni Na Gumincat jana Na Marmulia na marhabangsa salolotna jana Na Sun Badia goarNa: “Di inganan na gincat jana badia do habangsangKu, tapi rap muse do dohot halak na magopu jana na toruk rohana, laho pangoluhon arop ni roha ni halak na toruk roha dohot laho pangoluhon roha ni halak na magopu.

DANIEL 12:7

Dung i hubege ma sora ni bayo na marbaju linen na jongjong di julu ni batang aek i jana diangkat ia ma tangannia siamun dohot si ambirang adop ginjang anso marsumpa ma ia tu Debata na manongtong i: Sada hatiha dua hatiha dohot satonga hatiha dung abis kuaso ni na mamparkanciti bangso na badia i, marujung muse ma angka na masa i.

DANIEL 4:34

“Dung salpu hatiha sipitu taon i, hupadorgak ma tu langit gabe sumuang ma torang rohangku. Jadi hupuji ma Na Gumincat i. Hupasangap jana hupagodang ma na Tongtong Mangolu i, Mamarenta noma Debata salolot-lolotna. Markuaso do Ia sapanjangna.

HAGAI 2:8

Au do nampuna sasude sere dohot perak na adong, ninna Tuhan Na Markuaso.

PANGARATAION 10:14

Tuhan Debatamunu do nampuna langit na partimbo, tano on pe Ia do nampunasa, maradu sude na adong di ginjangna.

PANGARATAION 32:40

Au do satutuna na mangolu, Au do Debata, Huangkat tanganKu laho marsumpa,

HAKIM-HAKIM 11:35

Disi diida si Jefta, gabe sun ma arsaknia, jadi gabe disibak-sibak ia ma bajunia jana didok ia ma, “Iale baya borungki, ma magopu ate-atengku! Biasi ma he angkon sai ho na mambaen marsak rohangku? Madung husumpahon tu Tuhan jana nada tarbaen au be manarik i mangulahi!”