PAMUNGKAAN 14:14 - BIBEL JAMITA NA DENGGAN

¹⁴ Dung tarboto tu si Abram na dung tartangkup anak ni angginia i, dipalagut ia ma sude jolma na adong di bandarnia i, i ma angka na malo marporang 318 halak bahatna, dikojar halahi ma raja si opat halak i lopus tu Dan.

PAMUNGKAAN 14:14 ပူးပေါင်းရင်းမြစ်များ

PAMUNGKAAN 12:16

Hara ni si Sarai, gabe denggan ma pambaenan ni raja i tu si Abram, jana dilehen ma disia angka hatoban, biri-biri dohot hambeng, lombu, halode dohot unto.

PAMUNGKAAN 12:5

Dioban si Abram do si Sarai dadaborunia i, dohot si Lot anak ni angginia bope sude arta dohot angka hatoban na dapotnia di Haran jana kehe ma halahi tu tano Kanaan. Dung lalu halahi di Kanaan,

PAMUNGKAAN 13:8

Dung i didok si Abram ma hatana tu si Lot, “Na markahamaranggi do hita, nada denggan muda sai martangkangi angka halak na adong di ho dohot halakku.

PAMUNGKAAN 14:12

Di Sodom do maringanan si Lot anak ni anggi ni si Abram, jadi gabe dohot ma ia dioban musu i dohot sude sinadongannia.

PAMUNGKAAN 14:16

Laing dapot si Abram dope barang na nirampas ni musu i. Dioban ia muse ma si Lot dohot sude sinadongannia songon i muse angka dadaboru bope angka na tartangkup na asing i.

PAMUNGKAAN 15:3

So na adong anak dilehen Ho di iba, gabe sahalak sian hatoban i ma na manean sinadonganki.”

PAMUNGKAAN 17:23

Laing di na sadari i dioloi si Abraham ma Debata, dipasunatkon ia ma si Ismael anaknia i dohot sude halaklahi na di bagasnia, dohot angka hatoban na sorang di bagasnia bope na nitobusannia.

PAMUNGKAAN 17:27

rap dohot sude hatoban ni si Abraham.

PAMUNGKAAN 18:19

Na Hupili do ia anso diparentahon ia tu angka dakdanaknia dohot tu pomparannia anso oloanna Au bope patulusonna sanga aha na denggan dohot na tigor. Muda mangoloi halahi, gohanKu ma janjingKu tu si Abraham.”

1 RAJA-RAJA 15:20

Tumbuk do tu roha ni si Benhadad hatana i lalu disuruhon ia ma angka perwirania rap dohot pasukan ni halahi mamorangi angka kota ni Israel. Ditaluhon halahi ma Ijon, Dan, Abel Bet-Maaka dohot sude tano donokkon ni Dano Galilea maradu sude Luat Naftali.

MASMUR 68:12

“Ma pola maporus angka raja dohot paranganna, songon darapati halahi kehe habang.” Di bagas, marbagibagi ma angka dadaboru i perak dohot sere na martadingan i. Haru pe bahat na so dohot marporang, bangso ni Debata do hape na monang.

PODA 17:17

Sai na setia do ale-ale tu donganna; jana songon na markahanggi do halahi tu sitaonon.

PARJAMITA 2:7

Bahat do parkarejongku, na hutobusi bope na sorang di bagasku. Dao do umbahat pahan-pahananku sian pahan-pahanan ni sanga ise pe na jungada maringanan di Jerusalem.

JEREMIA 41:12

Jadi kehe ma halahi rap dohot angka anak bua ni halahi mangkojar laho mandapoti si Ismael di tobat na bidang na di Gibeon.

PANGARATAION 34:1

Dung i kehe ma si Musa sian napa ni Moab jana manangkok ma ia tu Dolok Nebo, tu puncut ni Dolok Pisga na di Habincaran ni Jeriko. Disi ma dipatuduhon Debata luat i sude tusia, i ma: Tano Gilead di Utara lopus tu kota Dan;

1 JOHANNES 2:18

Hamu angka dakdanakku, hatiha na parpudi do saonnari, songon na dung dibege hamu, giot ro ma musu ni Kristus i, jana madung mur bahat musu ni Kristus i saonnari; i ma tandana na hatiha parpudi do saonnari.

HAKIM-HAKIM 18:29

Dipauba halahi ma goar ni kota i gabe Dan mangihutkon goar ni ompu na umpompar halahi, i ma si Dan anak ni si Jakob.

HAKIM-HAKIM 20:1

Jadi marroan ma sude halak Israel sian Dan di Utara lopus tu Berseba di Selatan, dohot sian Gilead di Habincaran laho mangoloi pio-pio i. Marlagut ma halahi jana marsada di Mispa di adopan ni Tuhan.

1 SAMUEL 30:19

bagi na aha nada adong na mago. Sude dakdanak halaklahi dohot dadaboru dohot sude barang na hona rampas na nibuat ni halak Amalek i, dibuat si Daud mangulahi.