PAMUNGKAAN 14:10 - BIBEL JAMITA NA DENGGAN

¹⁰ Na gohan do di rura i sumur aspal, jana di na marlojongi angka raja ni Sodom dohot Gomora paluahon dirina sian parporangan i, dojup ma halahi madabu tu bagasan ni angka sumur i. Anggo raja na tolu halak nari malua do halahi jana maporus tu dolok.

PAMUNGKAAN 14:10 ပူးပေါင်းရင်းမြစ်များ

PAMUNGKAAN 11:3

Marsidokkonan ma halahi na sada tu donganna, “Tole ma tabaen batu bata, tatutung ma i lopus pir.” Songon i ma dalanna gabe adong batu bata di halahi sipakeon laho pajongjong bangunan dohot na gabe sipakeon laho palohotkonsa.

PAMUNGKAAN 14:11

Dirampas raja siopat halak na monang, i ma sasude na adong di Sodom dohot Gomora dohot bohalna, lalu kehe ma halahi.

PAMUNGKAAN 14:17

Di na mulak si Abram dung ditaluhon ia Raja Kedorlaomer dohot angka raja na asing i, ruar ma raja Sodom sian luatnia laho mangalo-alo si Abram di Rura Siawe (na nigoaran muse Rura Raja).

PAMUNGKAAN 14:21

Didok raja ni Sodom ma tu si Abram, “Buat ma di ho barang na nirampas i, tapi anggo halakku mulak ma tu au.”

PAMUNGKAAN 14:3

Saroha ma raja na lima i mambaen hadomuan jana dipasada halahi ma tentara ni halahi di Rura Sidim, na margoar Laut Mate saonnari.

PAMUNGKAAN 14:9

angka raja na sian Elam, Goyim, Babilonia dohot Elasar; gabe lima raja maralohon opat.

PAMUNGKAAN 19:17

Dung i didok sahalak sian surusuruan i ma, “Marlojong ma hamu, palua hosamunu! Ulang manaili tu pudi jana ulang maradian di rura. Tu dolok-dolok ma lojongi hamu, anso ulang mate hamu!”

PAMUNGKAAN 19:30

Dibaen biarna si Lot maringanan di Zoar, gabe kehe ma ia tu dolok-dolok rap dohot borunia na dua i, disi ma halahi maringanan di bagasan sada liang.

MASMUR 83:10

na niabiskon di Endor, jana bangkena i gabe napu ni tano.

JESAYA 24:18

Sanga ise na marlojong hara ni biarna, madabu ma tu tirangkap, jana na so hona tu tirangkap hona jorat ma. Udan potir diparo sian langit jana humuntal ma ojahan ni tano on.

JEREMIA 48:44

Halak na malua sian ogor-ogor madabu ma i tu bagasan lubang, jana halak na haruar sian lubang i, alit muse ma i baenon ni jorat. Tarjadi do sudena i hara ni na dung Hutontuhon hatihana laho mangaroncohon Moab.

JOSUA 8:24

Dung sidung tentara ni Israel mamunu sude tentara ni musu na mangkojar halahi tu parhorsihan i, mangulahi ma halahi tu Ai, dibunu halahi muse ma sude halak na adong disi.