PAMUNGKAAN 13:8 - BIBEL JAMITA NA DENGGAN

⁸ Dung i didok si Abram ma hatana tu si Lot, “Na markahamaranggi do hita, nada denggan muda sai martangkangi angka halak na adong di ho dohot halakku.

PAMUNGKAAN 13:8 ပူးပေါင်းရင်းမြစ်များ

PAMUNGKAAN 13:9

Jadi gumonan ma hita marsirang. Ho ma mamili sanga na dia giotmu bagianmu. Muda sabola on do di ho, anso tu na asing au kehe.”

PAMUNGKAAN 14:14

Dung tarboto tu si Abram na dung tartangkup anak ni angginia i, dipalagut ia ma sude jolma na adong di bandarnia i, i ma angka na malo marporang 318 halak bahatna, dikojar halahi ma raja si opat halak i lopus tu Dan.

PAMUNGKAAN 45:24

Jadi dipabuat ia ma angka kahangginia i mangulahi jana di na kehe i halahi didok ia ma tu halahi, “Ulang hamu marbadai di dalan i da!”

PAMUNGKAAN 46:34

dok hamu ma tu raja i, na somal marmahan hamu sian na menek laing songon ompumunu. Jadi anso disuru ia hamu maringanan di tano Gosen.” Didok si Josep pe songon i, hara ni na so ra do halak Mesir mardongan dohot angka parmahan.

MASMUR 133:1

Dengganna i jana sonangna i antong, muda mardenggan angka na markahamaranggi di ngoluna.

HARURUAR 2:13

Ancogotna i ro muse ma si Musa, diida ia ma dua halak Ibrani topet marbadai. “Biasi dipukul ho dongan sabangsomu?” ninna si Musa tu halak na marsala i.

PODA 15:1

Alus na lambok paombun rimas alus na kasar patamba gilap.

PODA 15:18

Halak parmuruk patubu partongkaran, halak na sobar maroban pardamean.

PODA 20:3

Sude halak na oto malo do mamungka partongkaran; anggo sikap na tarpuji, i ma na pasiding paraloan.

MATEUS 5:9

Martua ma angka na mambaen dame, dibaen nigoar do halahi anak ni Debata.

BAENON NI ANGKA RASUL 7:26

Ancogotna i diida ia muse ma marbadai dua halak Israel, dicubo ia muse ma padamehon halahi. Didok ia ma, ‘Hamu dongan, na markahamaranggi do da hamu. Biasi marbadai hamu?’ ning ia.

SURAT NI SI PAULUS TU PARLAGUTAN ROM 12:10

Tangkas ma hamu antong marsihaholongan sama hamu songon halak na martinadohon, jana marsijolo-joloan ma hamu marsipasangapan.

PILIPPI 2:14

Ulang ma marungut-ungut sanga martongkar hamu mangkarejohon sanga na aha.

1 TESSALONIKA 4:9

Nada pola porlu be suratkononnami tu hamu anggo taringot tu na manghaholongi dongan sahaporsayaan sanga na bia baenonmunu. Hamu sandiri pe madung diajari Debata anso marsihaholongan.

IBRANI 12:14

Usahahon hamu ma anso mardame-dame hamu tu sude halak jana manggogo ma hamu anso hum di Tuhan ngolumunu, harana sahalak pe nada adong na tarbaen mida Tuhan anggo inda songon i pardalan ni ngoluna.

IBRANI 13:1

Tongtong ma jagohon hamu holong maradopkon dongan!

1 PETRUS 1:22

Hara ni na nioloanmunu ajaran na sian Debata, gabe dipaias hamu dirimunu jana holong do rohamunu mida angka halak na porsaya tu Kristus. Antong, marsihaholongan ma hamu sama hamu sian sandok rohana be.

1 PETRUS 2:17

Pantun ma hamu tu sude halak, haholongi hamu ma donganmunu sahaporsayaan tu Kristus. Habiari hamu ma Debata jana pasangap ma Kesar i.

1 PETRUS 3:8

Songon on ma panyimpulina: Angkon saroha do hamu jana sapangkilalaan. Marsihaholongan ma hamu na sada tu na asing songon na markahamaranggi. Jana marsiasi-asian ma hamu jana martoruk ni roha na sada tu na asing.

1 PETRUS 4:8

Tapi na umporlu sian sasudena i, marsihaholongan ma hamu sama hamu, angke muda marsihaholongan hamu gabe bahat ma dosa disesa.

2 PETRUS 1:7

Di bagasan hadaulatan tu Debata ditambahon ma holong ni roha mida dongan, jana di bagasan holong ni roha mida dongan di tambahon ma holong ni roha mida sude halak.

1 JOHANNES 4:7

Hamu angka dongan na nihaholongan! Marsihaholongan ma hita sama hita, angke sian Debata do ro holong ni roha i. Sanga ise na marholong ni roha, i do dakdanak ni Debata jana na mananda Debata.

HAKIM-HAKIM 9:26

Madung ro di hatiha i si Gaal anak ni si Ebed rap dohot angka kahangginia laho maringanan di Sikem; jana mararop roha do angka halak Sikem i tusia.