PAMUNGKAAN 13:7 - BIBEL JAMITA NA DENGGAN

⁷ Gabe martangkangi ma angka parmahan ni si Abram dohot parmahan ni si Lot. (Laing maringanan dope hatiha i halak Kanaan dohot halak Peris disi.)

PAMUNGKAAN 13:7 ပူးပေါင်းရင်းမြစ်များ

PAMUNGKAAN 10:19

jabat do, mangararati batas ni Kanaan mamungka sian Sidon lopus tu sabola Selatan donok tu Gerar, di lambung ni Gasa, dohot tu sabola Habincaran marayak Sodom, Gomora, Admah dohot Zeboim; di lambung ni Lasa.

PAMUNGKAAN 12:6

dibolusi si Abram ma luat i lopus lalu ia tu tombak More inganan na badia na di Sikem. (Di hatiha i laing didapot ia dope disi maringanan halak Kanaan.)

PAMUNGKAAN 21:25

Tapi dung salpu i humolos ma si Abraham tu si Abimelek hara ni sada sumur na nirampas ni angka hatoban ni raja i.

PAMUNGKAAN 26:20

Tapi gabe martangkangi ma angka parmahan ni halak Gerar dohot angka parmahan ni si Ishak. Ning halahi ma, “Hami do puna aek on.” Hara ni i, digoari si Ishak ma sumur i, “Partangkangan”.

PAMUNGKAAN 34:30

Dung i didok si Jakob ma tu si Simeon dohot si Levi, “Dibaen hamu do hasusaan tu au. Saonnari gabe sihagigian ma au di halak Kanaan dohot halak Peris dohot sude pangisi ni luat on. So na sadia halakta; jadi ampot sai saroha halahi sude mangalo au jana manyerang au, harom ma sude hita na sabagas.”

PAMUNGKAAN 46:34

dok hamu ma tu raja i, na somal marmahan hamu sian na menek laing songon ompumunu. Jadi anso disuru ia hamu maringanan di tano Gosen.” Didok si Josep pe songon i, hara ni na so ra do halak Mesir mardongan dohot angka parmahan.

NEHEMIA 5:9

Jadi hudok muse ma, “Nada denggan parbuatanmunu i! Angkon mabiar hamu nian sugari tu Debata di ngolumunu. Sugari songon i ma baenonmunu anso ulang dilehen hamu dalan di musunta na so martuhan i laho palayaskon hita.

HARURUAR 2:17

Hape ro ma angka parmahan pakehe angka dadaboru i. Gabe ro ma si Musa mangurupi bujing-bujing i mangalehen minum angka pahan-pahanan ni halahi.

PODA 20:3

Sude halak na oto malo do mamungka partongkaran; anggo sikap na tarpuji, i ma na pasiding paraloan.

MARKUS 3:25

Laing songon i muse do, muda so adong hasadaon di tonga-tonga ni na sabagas, sai marmusu na sada tu na sada nari, sego ma na sabagas i.

1 KORINTUS 3:3

hara ni ngolumunu na laing tongtong dope mangihutkon bako ni jolma portibi. Angke muda laing mangiburui do hamu jana marbadai na sada tu na asing, i ma tandana paboa na laing mangolu mangihutkon bako ni jolma portibi dope hamu, songon angka jolma na di portibi on.

GALATIA 5:20

na manyomba gana-ganaan, sihir, parbadaan, parsalisian, mamikirkon diri sandiri, tahi-tahi na jat, pamola-mola,

KOLOSSE 4:5

Di angka pardomuanmunu tu angka halak na so porsaya malo ma hamu na mangolu i jana ganop adong hatiha na tumbuk, pake hamu ma i sadenggan-dengganna.

1 TESSALONIKA 4:12

Muda songon i dibaen hamu, nada pola marguru tu halak na asing be ngolumunu, jana pasangapon ni halak na so porsaya tu Kristus ma hamu.

TITUS 3:3

Angke hita pe oto do najolo, nada mangoloi jana nada tigor. Dirajai angka hagiot dohot por ni roha na marragam rupa do hita. Na mangolu di angka hajahatan dohot gutgut dohot na marsihosoman hian do hita.

JAKOBUS 3:16

Muda masa pangiburuon dohot na manyarihon dirina be, masa muse ma disi hagaoron dohot sude ragam-ragam ni na jat.

JAKOBUS 4:1

Sian dia dehe asal ni sude parbadaan dohot partangkangan na masa di hamu? Nada he sian angka hagiotmunu na sai giot torus marporang di bagasan dirimunu anso dapotan hasonangan portibi do asal ni i?

1 PETRUS 2:12

Angkon denggan do pangalahomunu di tonga-tonga ni angka halak na so porsaya tu Kristus, jadi haru pe diincahi halahi hamu songon halak na jahat, gabe idaon ni halahi ma angka pambaenanmunu na denggan i, jana gabe pujion ni halahi ma Debata di haroro ni Debata tu portibi on.