PAMUNGKAAN 13:18 - BIBEL JAMITA NA DENGGAN

¹⁸ Dung i dipaimbar si Abram ma inganan ni undung-undungnia jana maringanan di lambung ni harangan inganan paribadatan na di Mamre donok tu Hebron ma ia torus. Jana disi ma dipajongjong ia langgatan di Tuhan.

PAMUNGKAAN 13:18 ပူးပေါင်းရင်းမြစ်များ

PAMUNGKAAN 13:4

dohot langgatan. Disi ma ia manyomba Tuhan.

PAMUNGKAAN 14:13

Tapi adong ma sahalak na luncat jana dipaboa ia ma sude na masa i tu si Abram, halak Ibrani i. Donok tu harangan paribadatan nampuna ni si Mamre, halak Amori i do inganan ni si Abram. Dongan ni si Abram do si Mamre dohot kahangginia si Eskol dohot si Aner.

PAMUNGKAAN 18:1

Dipataridahon Tuhan ma diriNa tu si Abraham di lambung ni harangan inganan ni paribadatan na di Mamre. Santak milas ni ari hatiha i, jana topet ma si Abraham juguk di pintu ni bandarnia i.

PAMUNGKAAN 22:9

Di na lalu halahi tu inganan na nidok ni Debata tu si Abraham, dipajongjong ia ma sada langgatan jana diatak ia ma soban i di ginjang ni langgatan i. Bulus ditambat ia ma anaknia i jana dipapodom ia di langgatan i di ginjang ni soban i.

PAMUNGKAAN 23:2

Di Hebron na di tano Kanaan do marujung ngolunia, jana diandungi si Abraham ma hamamatenia i.

PAMUNGKAAN 26:25

Dung i dipajongjong si Ishak ma langgatan disi jana disomba ia ma Tuhan. Disi ma ia mambaen bandar jana dihuar angka hatobannia ma sumur na asing.

PAMUNGKAAN 35:27

Jadi kehe ma si Jakob mandapotkon si Ishak amangnia i di Mamre di lambung ni Hebron. I ma inganan ni si Ishak amangnia dohot ompungnia si Abraham.

PAMUNGKAAN 37:14

Ning amangnia i ma, “Kehe ma jolo ho mangaligi angkangmi sanga na horas do halahi dohot hambeng biri-birinta i betak na denggan do; jadi mulak ma ho tuson, paboa tu au sanga na bia do.” Jadi dipakehe ia ma si Josep manadingkon Rura Hebron. Nada sadia honok, lalu ma si Josep tu Sikem.

PAMUNGKAAN 8:20

Dipajongjong si Noak ma sada langgatan di Tuhan, dibuat ia ma sada binatang dohot unggas na so haram sian ganop horong, ditutung ia ma i himpal-himpal songon haul somba-somba di ginjang ni langgatan.

2 SAMUEL 2:1

Dung i marsapa ma si Daud tu Tuhan, “Diparhagiot rohaMu do Tuhan kehe au tu Juda mangarajai sada kota na adong disi?” “Olo,” ninna Tuhan mangalusi. “Kota dia ma i?” ning si Daud manyapai. “Hebron,” ninna Tuhan.

MASMUR 16:8

Sai torang do rohangku di haroro ni Tuhan donok do Ia, nada pola au jabat gamang.

BILANGAN 13:22

Parjolo, kehe halahi tu Selatan ni luat i jana lalu ma di kota Hebron inganan ni halak Ahiman, Sisai dohot Talmai, pomparan ni sada bangso na marpamatang raksasa, i ma na nidok halak Enak. (Kota Hebron dipajongjong pitu taon andorang so kota Zoan di Mesir.)

1 TIMOTEUS 2:8

Sanga na di dia pe angkon martangiang do angka halaklahi tu Debata sian roha na ias jana ulang mardongan muruk dohot salisi.

IBRANI 11:9

Mardongan haporsayaan tu Debata, songon halak na ro do si Abraham di luat na nijanjihon ni Debata i tusia. Maringanan ma si Abraham disi di bagasan bandar. Laing songon i do si Ishak dohot si Jakob na dung dohot manjagit janji i sian Debata.

JOSUA 14:13

Jadi gabe tumbuk ma di roha ni si Josua di si Kaleb anak ni si Jefunne i, lalu dilehen ia ma tusia kota Hebron gabe bagiannia.

JOSUA 15:13

Hombar tu parenta ni Tuhan tu si Musa, dilehen ma deba luat ni Juda tu si Kaleb anak ni si Jefunne na sian Marga Juda. Dilehen disia Hebron, i ma kota ni si Arba, amang ni si Enak i.