PAMUNGKAAN 13:16 - BIBEL JAMITA NA DENGGAN

¹⁶ LehenonKu ma di ho bahat pomparanmu, jabat nada adong sahalak pe na tarbaen mangetongsa. Songon abu na di tano i, na so adong halak na sanggup mangetongsa, laing songon i ma pomparanmu nada taretong sanga ise.

PAMUNGKAAN 13:16 ပူးပေါင်းရင်းမြစ်များ

PAMUNGKAAN 15:5

Dioban Ia ma si Abram tu ruar jana didok Ia ma tusia, “Tatap ma tu langit, jana etongi ma jolo angka bintang i: Songon i ma bahat ni pomparanmu sogot.”

PAMUNGKAAN 16:10

Didok surusuruan i muse dope, “Lehenonku ma di ho anak ro di pahompumu na songon i bahat, jabat umpe sahalak tarbaen mangetongsa.

PAMUNGKAAN 17:16

PasupasuonKu ma ia jana tubuhononnia ma sada anak halaklahi na giot lehenonKu di ho. Ligi da, pasupasuonKu ma si Sara, jana gabe ina ni angka bangso ma ia. Sian angka pomparannia, adong ma na gabe angka raja.”

PAMUNGKAAN 17:2

PahotonKu ma parjanjian dohot ho, jana lehenonKu ma bahat pomparanmu.”

PAMUNGKAAN 17:20

Madung Hubege pangidoanmi taringot tu si Ismael, jadi hara ni i pasupasuonKu do ia jana lehenonKu pomparan na bahat tusia. Gabe ompu ni dua bolas raja ma ia, jana baenonKu ma pomparannia gabe sada bangso na godang.

PAMUNGKAAN 17:6

BaenonKu ma bahat pomparanmu, jana deba sian halahi gabe angka raja. Songon i ma bahat ni pomparanmu, lopus gabe bangso na bahat halahi.

PAMUNGKAAN 18:18

Gabe bangso na godang jana na markuaso do pomparannia; jana hara ni ia pasupasuonKu ma sude bangso na di tano on.

PAMUNGKAAN 21:13

Laing lehenonKu do hagabean tu anak ni si Hagar i, anso gabe sada bangso halahi. Harana ia pe laing anakmu do.”

PAMUNGKAAN 22:17

Marjanji ma Au, paboa baenonKu ma pomparanmu sabahat ni bintang na di langit sanga sabahat ni horsik na di topi ni laut. Taluhonon ni angka pomparannia ma angka musu ni halahi.

PAMUNGKAAN 26:4

LehenonKu do hagabean anso maranak marpahompu ho sabahat ni bintang na di langit jana lehenonKu do sude luat on tu halahi. Pangidohonon ni bangso na satano on ma sudena tu Au anso Hupasupasu halahi songon pamasumasungKu di pomparanmu.

PAMUNGKAAN 28:14

Songon bahat ni abuan na di tano on ma bahat ni pomparanmu. Pabidangonmu ma tano ni halahi tu ganup humaliang, jana markite-hite ho dohot pomparanmu, pasupasuonKu ma sude bangso na di tano on.

PAMUNGKAAN 28:3

Sai dipasupasu Debata Na Gumogo i ma parsaripeonmunu jana dilehen ma di ho hagabean maranak marpahompu ho anso gabe ompu ni bahat bangso ho!

PAMUNGKAAN 32:12

Ingot ma na dung marjanji Ho, paboa na aturonMu do sude denggan di au jana lehenonMu tu au bahat pomparan. Sahalak pe nada tarbaen mangetongsa hara ni bahatna songon horsik na di topi ni laut.”

PAMUNGKAAN 32:13

Dung marborngin disi, dibuat si Jakob ma deba sian angka pahan-pahanannia i silehenonnia silua tu si Esau angkangnia i. Angka on ma siluania i: Dua ratus hambeng boru-boru, dua pulu hambeng jantan, dua ratus biri-biri boru-boru, dua pulu biri-biri jantan, tolu pulu unto panusuan dohot angka anakna, opat pulu lombu boru-boru sampulu lombu jantan, dohot dua pulu halode boru-boru dohot sampulu halode jantan.

PAMUNGKAAN 35:11

Jadi didok Debata ma tusia, “Au do Debata Na Gumogo. Sai gabe ma ho, marpomparan na bahat! Ruar ma sian ho angka bangso jana gabe ompung ni angka raja-raja ma ho.

PAMUNGKAAN 46:3

“Au do Debata, Debata na nisomba ni amangmu,” ninna. “Ulang pola mabiar ho kehe tu Mesir. BaenonKu ma gabe bangso na godang pomparanmu disi.

1 RAJA-RAJA 3:8

Maringanan di tonga-tonga ni bangso na dung dipili Ho gabe bangsoMu do au. Sada bangso na godang situtu na so taretong bahatna.

1 RAJA-RAJA 4:20

Songon bahat ni horsik na di topi ni laut do bahat ni rayat ni Juda dohot Israel. Sonang do ngolu ni halahi, jana marlobi-lobi sipanganon dohot siinumon.

2 RAJA-RAJA 13:23

Tapi nada unjung dihalupahon Tuhan bangsoNia i. Ibo jana denggan do rohaNia tu halahi. Nada dipadiar Ia halahi dipasude tapi ditolong Ia do halahi, hara ni parjanjianNia dohot si Abraham, si Ishak dohot si Jakob.

1 JUJUR TAON 21:5

jana dilapurkon ia ma tu Raja Daud suha ni sensus i. Bahat ni halaklahi na sanggup marporang adong ma 1.100.000 halak di Israel jana 470.000 halak di Juda.

1 JUJUR TAON 27:23

Nada dipadalan Raja Daud sensus anggo tu halak na marumur di toru ni dua pulu taon, harana madung dijanjihon Tuhan na giot baenonNia halak Israel sabahat ni bintang na di langit i.

2 JUJUR TAON 1:9

Saonnari, ale Tuhan Debata, sai patulus ma baga-bagaMu tu damang i. Madung diangkat Ho au gabe raja di ginjang ni bangso na godang na so taretong be bahatna.

JOB 5:25

Pomparanmu so habilangan, sabahat ni ruput na di padangan.

HARURUAR 1:7

Anggo pomparan ni halahi, i ma angka halak Israel, maranak marpahompu bahat situtu, jana bilangan ni halahi pe mur martamba-tamba, pola sude luat i digohi halahi.

HARURUAR 32:13

Ingot ma si Abraham, si Ishak dohot si Israel naposoMi, angke madung marsumpa hian do Ho tu halahi mangasahon diriMu sandiri di na nidokMu tu halahi: BaenonKu ma pomparanMu sabahat ni bintang na di langit, jana sude tano na dung Hujanjihon on lehenonKu ma i tu pomparanmu, anso gabe halahi nampunasa salolot-lolotna.”

JEREMIA 33:22

PabahatonKu ma pomparan ni naposongKu si Daud dohot angka malim sian Marga Levi lopus gabe sabahat ni horsik na di topi ni laut dohot sabahat ni bintang na di langit na so taretong bilanganna bahat ni halahi.”

BILANGAN 23:10

Pomparan ni Israel songon abuan, nada taretong, songon i bahatna. O Tuhan, sugari hupaujung ngolungku songon sada halak sian halakMu. Tunduk tu Debata di sude pangalaho; di bagasan hasonangan au mate.”

PANGARATAION 1:10

madung martamba bahatmunu dibaen Tuhan Debatamunu sabahat ni bintang na di langit.

IBRANI 11:12

Haru pe di hatiha i songon na so adong be idaon same na mangolu sian si Abraham, hape hum sian ia sandiri sajo do martubuan bahat pomparannia, na so taretong bahatna – songon bahat ni bintang na di langit dohot horsik na di topi ni laut.

HALUMBAAN 7:9

Dung i manaili muse dope au, gabe huida ma jolma na marlagut na lobi bahatna – sahalak pe nada adong tarbaensa mangetong i! I ma angka jolma sian ganop bangso, marga, negara dohot bahasa. Mamake baju juba na bontar ma halahi, maniop mare-mare di tanganna be, jongjong ma halahi sude adop habangsa i dohot adop Anak Ni Biri-biri i.

HAKIM-HAKIM 6:3

Boti muse, ganop dung sidung manyuan gandum angka partani ni Israel, marroan ma halak Midian rap dohot halak Amalek dohot angka halak na sian parhorsihan mangaroro halak Israel.

HAKIM-HAKIM 6:5

Marudut-udut marroan angka jolma i dohot unto bope kemah ni halahi sun bahatna – nada taretong hara ni bahatna. Marroan halahi manyegohon luat i,