PAMUNGKAAN 13:13 - BIBEL JAMITA NA DENGGAN

¹³ Na jahat do halak Sodom jana mardosa maradopkon Tuhan.

PAMUNGKAAN 13:13 ပူးပေါင်းရင်းမြစ်များ

PAMUNGKAAN 10:9

Hara ni pangurupi ni Tuhan gabe parburu godang ma ia, jana hara ni i ma umbaen na somal didok halak, “Sai dipatumbuk Tuhan ma ho gabe parburu godang songon si Nimrod.”

PAMUNGKAAN 15:16

Dung opat sundut pe anso mulak mangulahi pomparanmu tuson, angke nada paorotonKu dope halak Amori painte so santak jahat ni halahi anso tumbuk uhumon.”

PAMUNGKAAN 18:20

Dung i didok Debata ma tu si Abraham, “Adong do tuhas-tuhas na borat tu Sodom dohot Gomora, jana na lobi dokdok do tehe dosa ni halahi.

PAMUNGKAAN 19:13

harana abiskononnami ma kota on. Madung ditangihon Tuhan angka tuhas-tuhas na dokdok maradopkon halak na dison, jana na diutusNia do hami laho mangabiskon kota Sodom on.”

PAMUNGKAAN 38:7

Santak do jahat ni si Er, gabe muruk ma Debata tusia, gabe dibunu Tuhan do ia.

PAMUNGKAAN 39:9

Sarupa do nian kuasongku di bagas on dohot kuasonia. Nanggo adong be na asing na so nipasahatnia tu au asing sian nyonya i sandiri. Bia ma baenonku mambaen parbuatan na songon i jorngangna boti mardosa iba tu Debata?”

PAMUNGKAAN 6:11

Hape anggo angka na asing i sude do jungkat di parnidaan ni Debata jana sanga di dia pe hakejamon noma na masa.

2 RAJA-RAJA 21:6

Dipelehon ia do anaknia ditutung songon haul. Laing dipadalan si Manase on muse do hadatuon na mangaligi nasib, aji dohot na mangido panogu-noguon tu angka begu. Na borat do pardosaonnia maradopkon Tuhan, gabe pasunggul-sunggul muruk ni Tuhan.

JESAYA 1:9

Sugari sura nada dipalua Tuhan Na Markuaso i piga-piga halak, anggo Jerusalem i madung mago sude, sarupa tu Sodom dohot Gomora.

JEREMIA 23:14

Tapi madung Huida jumahat dope pangalaho ni angka panurirang di Jerusalem. Margabusi do halahi dohot marmainan jana diurupi halahi do halak na jahat, gabe umpe adong sahalak pe na ra pauba rohana. Anggo di Au mandosdos do halahi sudena rap parjahat songon halak Sodom dohot Gomora.”

JEREMIA 23:24

Sahalak pe nada adong na tarbaen buni sian parnidaanKu. Angke di sude inganan do Au adong: Di banua ginjang sanga di tano on.

BILANGAN 32:23

Tapi ingot hamu ma! Muda nada dipatulus hamu janjimunu i, mardosa ma hamu di Tuhan. Jadi ulang baen be na sala, anso ulang hona uhum hamu hara ni dosamunu.

MATEUS 9:10

Jadi hatiha mangan Jesus di bagas ni si Mateus i, marroan ma angka panjagit pajak dohot angka pardosa. Dohot ma halahi mangan rap dohot Jesus dohot angka anak siseanNia i.

MATEUS 9:13

Patangkas hamu ma jolo sanga aha do astuan ni hata on: ‘Mida asi ni roha do jop rohangKu, nada mida haul.’ Harana nada na giot mamiohon halak sibaen na tigor umbaen na ro Au, tapi na mamiohon pardosa do.”

JOHANNES 9:24

Dung i dipiohon halahi ma mangulahi na sorang mapitung i hian, jana didok halahi ma tusia, “Oku ma di jolo ni Debata paboa ma dohot tigor, angke hami boto pardosa do Bayo i.”

JOHANNES 9:31

Taboto do, na so ditangihon Debata do anggo pardosa. Hum halak na pasangap Debata dohot na patuluskon hagiotNia sajo do na nitangihon ni Debata.

SURAT NI SI PAULUS TU PARLAGUTAN ROM 1:27

Halaklahi pe laing songon i muse; nada be tu dadaboru roha ni halahi songon na patut, tapi halaklahi noma marsiangkupan. Dibaen halaklahi ma pangalaho na pailahon maradopkon donganna halaklahi, jadi dijagit halahi do upa na hombar tu haliluan ni halahi di bagasan dirina be.

IBRANI 4:13

Umpe sada sian na nitompa i na buni, na so niida ni Debata. Talak do sudena jana patar di joloNia. Jana angkon lehenonta do tuSia partanggungjawabanta.

2 PETRUS 2:10

lumobi ma i angka jolma na mangoloi angka hagiot na pahodarkon dirina, jana mangincahi harajaan ni Tuhan i. Puluk-puluk do angka guru pargabus i jana ginjang-ginjang do roha ni halahi; nada pola alang roha ni halahi mangalayasi Na Sangap i.

JUDAS 1:7

Laing ingot hamu ma kota Sodom dohot Gomora dohot angka kota na humaliang i, na niinganan ni halak angka na mambaen pangalaho songon na nibaen ni angka surusuruan i. Angka pangalaho na rorang dohot na mangoloi hagiot ni sibukna do dipambaeni halahi, gabe hona uhum ma halahi dohot api na so ra mintop, baen sipaingot tu halak sudena.

1 SAMUEL 15:18

boti muse na disuru ni Tuhan do raja i mamusa halak Amalek na jahat i. Disuru Tuhan raja i marporang mangalo halahi lopus abis halahi.

1 SAMUEL 2:17

Songon i ma anak ni si Eli na dua i mardosa godang di adopan ni Tuhan, hara ni na so adong be sangap ni halahi tu haul na nihaulkon tu Tuhan.