PAMUNGKAAN 12:7 - BIBEL JAMITA NA DENGGAN

⁷ Dipatidahon Tuhan ma diriNa tu si Abram jana didok ma, “Luat on ma da na giot lehenonKu di pomparanmu.” Jadi dipajongjong ia ma sada langgatan di inganan i di Tuhan na patidahon diriNa tusia.

PAMUNGKAAN 12:7 ပူးပေါင်းရင်းမြစ်များ

PAMUNGKAAN 12:8

Dung salpu i pinda ma ia tu Selatan tu luat na mardolok-dolok di Habincaran ni Betel. Jana dipajongjong ia ma disi undung-undungnia di holang-holang ni Betel di Hasundutan dohot Ai di Habincaran. Laing dipajongjong ia muse do disi sada langgatan parsombaan tu Tuhan, laing dipio ia ma goar ni Tuhan disi.

PAMUNGKAAN 13:15

lehenonKu ma tu ho dohot tu pomparanmu sude tano na niidami anso gabe ho nampunasa salolot-lolotna.

PAMUNGKAAN 13:17

Saonnari pe, kehe ma ho, haliangi ma sude tano i harana na giot lehenonKu ma i di ho.”

PAMUNGKAAN 13:18

Dung i dipaimbar si Abram ma inganan ni undung-undungnia jana maringanan di lambung ni harangan inganan paribadatan na di Mamre donok tu Hebron ma ia torus. Jana disi ma dipajongjong ia langgatan di Tuhan.

PAMUNGKAAN 13:4

dohot langgatan. Disi ma ia manyomba Tuhan.

PAMUNGKAAN 15:18

Laing di hatiha i ma dibaen Tuhan parjanjian dohot si Abram. Ninna Tuhan ma, “Marjanji ma Au laho mangalehen tano on sudena di pomparanmu, mamungka sian batas ni Luat Mesir lopus tu Batang aek Efrat,

PAMUNGKAAN 17:1

Di na marumur si Abram sambilan pulu sambilan taon, dipatidahon Tuhan ma diriNa tusia jana didok ma, “Au do Debata Na Gumogo. Oloi ma Au jana patulus tongtong sanga aha hagiotKu.

PAMUNGKAAN 17:3

Gabe manungkap ma si Abram, dung i didok Debata ma,

PAMUNGKAAN 17:8

LehenonKu ma di ho dohot di pomparanmu, i ma tano na niingananmon saonnari songon paisolat. Sude tano Kanaan gabe pomparanmu ma nampuna i ro di salolot-lolotna jana Au ma gabe Debata ni halahi.”

PAMUNGKAAN 18:1

Dipataridahon Tuhan ma diriNa tu si Abraham di lambung ni harangan inganan ni paribadatan na di Mamre. Santak milas ni ari hatiha i, jana topet ma si Abraham juguk di pintu ni bandarnia i.

PAMUNGKAAN 22:9

Di na lalu halahi tu inganan na nidok ni Debata tu si Abraham, dipajongjong ia ma sada langgatan jana diatak ia ma soban i di ginjang ni langgatan i. Bulus ditambat ia ma anaknia i jana dipapodom ia di langgatan i di ginjang ni soban i.

PAMUNGKAAN 24:7

Na dung disumpahon Tuhan do tu au, i ma Debata na mangarajai langit, na maroban au sian bagas ni damang dohot sian luat ni koum sisolkotku na giot lehenonNia do luat on tu pomparanku. Laing suruonNia muse ma surusuruanNia mardalan di jolomu anso laing dapot ho boru sian adu di anakki.

PAMUNGKAAN 26:25

Dung i dipajongjong si Ishak ma langgatan disi jana disomba ia ma Tuhan. Disi ma ia mambaen bandar jana dihuar angka hatobannia ma sumur na asing.

PAMUNGKAAN 26:3

Hudongani pe ho jana Hupasupasu. LehenonKu do di ho dohot di pomparanmu sude banua on. GohanKu do janji na dung Hupasahat tu si Abraham amangmi.

PAMUNGKAAN 28:13

Jana di lambungna i jongjong ma Debata mandok, “Au ma da Debata na nisomba ni si Abraham dohot si Ishak. LehenonKu ma di ho dohot di pomparanmu tano inganan na nipodomanmon.

PAMUNGKAAN 28:4

Sai dipasupasu Tuhan ma ho dohot pomparanmu songon pamasumasu ni Tuhan di si Abraham jana sai ho ma nampuna tano na niingananmon, tano na dung dipahot ni Debata tu si Abraham!”

PAMUNGKAAN 32:30

Jadi didok si Jakob ma, “Madung marsuo bohi au dohot Debata, hape laing mangolu dope au.” Jadi dibaen ia goar ni inganan i, Peniel.

PAMUNGKAAN 33:20

Dung i dipajongjong ia ma langgatan disi jana dibaen ia ma goarna, “Debata, Debata ni si Israel”.

PAMUNGKAAN 35:12

Luat na dung hulehen tu si Abraham, tu si Ishak, hulehen ma i di ho dohot di pomparanmu.”

PAMUNGKAAN 35:7

Dipajongjong si Jakob ma disi sada langgatan jana dibaen ia ma goar ni inganan i “El-Betel”, angke disi ma dipataridahon Debata diriNa tu si Jakob di na lari ia sian angkangnia.

PAMUNGKAAN 50:24

Didok ia ma tu kahangginia i, “Donok noma ajalku, tapi pasti Debata do manyarihon dohot mamimpin hamu ruar sian luat on, tu luat na nijanjihonNia mardongan sumpa tu si Abraham, si Ishak dohot si Jakob.”

PAMUNGKAAN 8:20

Dipajongjong si Noak ma sada langgatan di Tuhan, dibuat ia ma sada binatang dohot unggas na so haram sian ganop horong, ditutung ia ma i himpal-himpal songon haul somba-somba di ginjang ni langgatan.

2 SAMUEL 24:25

Dung i dipajongjong ia ma langgatan disi baen di Tuhan jana dihaulkon ia muse ma haul situtungon dohot haul pardonganan. Maralus do tangiang ni si Daud i dibaen Tuhan, lalu dipadao Tuhan ma bala i sian Israel.

1 RAJA-RAJA 18:32

Batu i ma dibaen si Elia paturehon mangulahi langgatan inganan parsombaan tu Tuhan. Dihuar ia ma bondar humaliang langgatan i, jabat do tarbaen inganan ni aek tu opat bolas liter.

1 JUJUR TAON 16:16

Dohot si Abraham do dibaen Ia janji i, tapi dohot do tu si Ishak,

1 JUJUR TAON 16:18

“Hulehen di ho tano Kanaan gabe tano teanan,” ninna Tuhan.

2 JUJUR TAON 20:11

Saonnari, hape songon on ma pambaen ni angka bangso i tu hami. Giot paoroton ni halahi ma hami sian tano na dung nilehenMu tu hami.

2 JUJUR TAON 20:7

Ho do Debatanami. Dompak na ro bangsoMu Israel tu luat on, dipaorot Ho do angka jolma na maringanan hatiha i dison. Lalu dilehen Ho luat on tu pomparan ni si Abraham, ale-aleMi anso gabe tano nampuna ni halahi sandiri sapanjangna.

ESRA 3:2

dung i dibangun si Jesua anak ni si Jehosadak dohot angka donganna dohot si Zerubabel anak ni si Sealtiel maradu kahanggina ma langgatan ni Debata ni Israel. Jadi hara ni i, tarbaen halahi ma manutung haul di ginjangna i, domu tu angka panogu-noguon na tarsurat di bagasan Buku Uhum Ni si Musa, naposo ni Debata.

HARURUAR 17:15

Jadi dipajongjong si Musa ma sada langgatan, jana dibaen ia ma goarna, “Tuhan do Manderangku.”

HARURUAR 24:4

Disuratkon si Musa ma sude parenta ni Tuhan i. Ancogotna i andos torang dope, dipajongjong ia ma langgatan di pat ni dolok i na nibaennia sian dua bolas batu; ganop batu ma mangwakili ganop marga ni Israel na dua bolas i.

HARURUAR 32:13

Ingot ma si Abraham, si Ishak dohot si Israel naposoMi, angke madung marsumpa hian do Ho tu halahi mangasahon diriMu sandiri di na nidokMu tu halahi: BaenonKu ma pomparanMu sabahat ni bintang na di langit, jana sude tano na dung Hujanjihon on lehenonKu ma i tu pomparanmu, anso gabe halahi nampunasa salolot-lolotna.”

HARURUAR 33:1

Didok Tuhan ma tu si Musa, “Mardalan ma ho sian on rap dohot bangso na niuluhonmu ruar sian Mesir, tu luat na Hujanjihon mardongan sumpa tu si Abraham, si Ishak dohot si Jakob dohot tu pomparan ni halahi.

HARURUAR 6:3

Ro do Au mandapotkon si Abraham, si Ishak dohot si Jakob, i ma Debata na gok kuaso, tapi nada Hupataridahon diringKu tu halahi marhite goar ‘Tuhan’ i ma goarKu na badia i.

HARURUAR 6:4

Hubaen muse do parjanjian dohot halahi. Madung Hujanjihon na giot lehenonKu tano Kanaan di halahi, luat inganan ni halahi najolo songon halak sileban.

JEREMIA 3:18

Mardomu ma Israel dohot Juda, jana rap ro ma halahi sian tano habuangan na di Utara. Mulak ma halahi tu luat na dung Hupasahat tu ompu ni halahi gabe tano pusako.”

BILANGAN 26:53

“Bagi-bagi ma tano i tu halak Israel marsasaompu marguru tu bahat ni halahi marsasaompu.

BAENON NI ANGKA RASUL 7:5

Anggo di hatiha i, hum saotik pe nada adong dope luat on na nilehen ni Debata di si Abraham gabe nampunania; santompap pe nada adong dilehen disia. Tapi marjanji do Debata paboa na angkon lehenonNia do i tu si Abraham gabe nampunania dohot pomparannia. Nada adong dope dakdanak ni si Abraham hatiha i.

SURAT NI SI PAULUS TU PARLAGUTAN ROM 9:8

Jadi sian i, anggo pomparan ni si Abraham na gabe dakdanak ni Debata, hum pomparannia na sorang hara ni janji ni Debata sajo do; jadi nada sude pomparannia i.

GALATIA 3:16

Dibaen Debata do angka janjiNia i tu si Abraham dohot tu angka pomparannia. Nada adong tarsurat di Buku Na Badia i na mandok, “dohot tu angka pomparan ni si Abraham,” astuanna bahat bilangan ni halakna. Anggo na tarsurat disi, songon on do, “dohot tu pomparanmu”, artina hum sahalak sajo do, i ma Kristus.

GALATIA 4:28

Hamu angka dongan! Hamu sandiri pe dakdanak ni Debata do, na sorang hara ni janji ni Debata; tarsongon si Ishak do hamu.

PANGARATAION 1:8

Ingot ma; Au do Tuhan na dung manjanjihon sude tano i tu ompumunu si Abraham, si Ishak dohot si Jakob maradu tu pomparan ni halahi. Antong, kehe ma hamu, jana ingani hamu ma luat i.’ ”

PANGARATAION 30:20

Haholongi ma Tuhan Debatamu, oloi hamu ma Ia, jana setia ma hamu tuSia. Gabe siginjang umur ma hamu dohot pomparanmunu di tano na nijanjihon ni Tuhan tu ompumunu si Abraham, si Ishak dohot si Jakob.”

PANGARATAION 34:4

Dung i didok Tuhan ma tu si Musa, “On ma da tano na Hujanjihon i tu si Abraham, si Ishak dohot si Jakob sipasahaton tu pomparan ni halahi. Hupatidahon do i tu ho Musa, tapi nada Hupatola ho kehe tusi.”

PANGARATAION 6:10

“Na dung dijanjihon Tuhan Debatamu do tu ompumu si Abraham, si Ishak dohot si Jakob laho mangalehen tu ho sada luat rap dohot angka kota na godang jana na jeges, jana nada ho na pajongjongkonsa.

PANGARATAION 9:5

Dipadiar Tuhan hamu mambuat tano ni halahi i, dibaen por ni rohaNia do patulus janjiNia dohot ompumunu si Abraham, si Ishak dohot si Jakob.

IBRANI 11:13

Di bagasan haporsayaan i, madung mate halahi sude. Nada dijagit halahi dopena janji i, tapi di tatap halahi do i sian na dao. Jadi pos jana jop do roha ni halahi marnidasa, jana dioku halahi do, bahaso pangaranto dohot paisolat do halahi di tano on.

IBRANI 11:8

Hara ni na porsaya, gabe dioloi si Abraham Debata, di na nipio ni Debata ia jana disuru anso kehe tu luat na nijanjihon ni Debata tusia. Dung i kehe do si Abraham so pola diboto ia sanga na giot tudia ia kehe.

JOSUA 1:6

Sai marpos ni roha ma ho jana ulang mabiar, angke ho do na mamimpin bangso on di na giot buaton ni halahi luat na dung Hujanjihon tu ompu na umpompar halahi.

JOSUA 22:10

Di na lalu Marga Ruben, Gad dohot Manase Parhabincaran di Gelilot, – di Hasundutan ni Batang aek Jordan dope i – dipajongjong halahi ma sada langgatan na godang jana na tongam di lambung ni batang aek i.

JOSUA 8:30

Dung i dipajongjong si Josua ma sada langgatan di Dolok Ebal baen di Tuhan, Debata ni Israel.

HAKIM-HAKIM 6:24

Lalu dipajongjong si Gideon ma disi sada langgatan jana digoari ia ma i, “Tuhan do mual ni hasonangan.” Laing adong dope langgatan i di Ofra, i ma kota ni halak Abieser.

1 SAMUEL 7:17

Jana sai mulak do ia mangulahi tu Rama. Na gabe hakim ni halak Israel do ia disi jana dipajongjong ia muse sada langgatan di Tuhan.