PAMUNGKAAN 12:6 - BIBEL JAMITA NA DENGGAN

⁶ dibolusi si Abram ma luat i lopus lalu ia tu tombak More inganan na badia na di Sikem. (Di hatiha i laing didapot ia dope disi maringanan halak Kanaan.)

PAMUNGKAAN 12:6 ပူးပေါင်းရင်းမြစ်များ

PAMUNGKAAN 10:15

Angka anak ni si Kanaan, i ma si Sidon siangkaan dohot si Het, i ma ompu ni angka bangso na nigoaran mangihutkon goar ni halahi.

PAMUNGKAAN 13:7

Gabe martangkangi ma angka parmahan ni si Abram dohot parmahan ni si Lot. (Laing maringanan dope hatiha i halak Kanaan dohot halak Peris disi.)

PAMUNGKAAN 33:18

Di pardalanan na sian Mesopotamia lalu ma si Jakob horastorkis tu Sikem na di Kanaan, jadi dipajongjong ia ma bandarnia di sada padang-padang na donok tu kota.

PAMUNGKAAN 34:2

Di na niida ni si Sikem anak ni si Hemor halak Hewi i, i ma raja ni luat i si Dina, dilojongkon ia ma anak boru i, dipaksa ia ma mambaen na so ture.

PAMUNGKAAN 34:30

Dung i didok si Jakob ma tu si Simeon dohot si Levi, “Dibaen hamu do hasusaan tu au. Saonnari gabe sihagigian ma au di halak Kanaan dohot halak Peris dohot sude pangisi ni luat on. So na sadia halakta; jadi ampot sai saroha halahi sude mangalo au jana manyerang au, harom ma sude hita na sabagas.”

PAMUNGKAAN 35:4

Jadi dipasahat halahi ma sude dewa na asing na nitiop ni halahi dohot angka anting-anting na di pinggol ni halahi. Di tanom si Jakob ma angka barang-barang i di toru ni hayu na godang na di lambung ni kota Sikem i.

1 RAJA-RAJA 12:1

Madung marlagut sude halak Israel na sian bagian Utara di Sikem laho mangojakkon si Rehabeam gabe raja. Jadi ia pe kehe do tusi.

1 RAJA-RAJA 12:25

Dung gabe raja ni Israel si Jerobeam, dipatogu ia ma kota Sikem na di luat partoran Efraim, lalu disi ma ia jolo santongkin maringanan. Dung i kehe muse ma ia sian i jana dipatogu ia ma kota Penuel.

MASMUR 60:6

Sian inganan na badia didok Debata, “Marhite jop ni roha Hubagi-bagihon tano Sikem, bagi-bagihononKu ma Rura Sukot.

HOSEA 6:9

Songon punguan ni panyamun na mangambat halak pamolus do angka malim na di kota i. Salang di dalan laho tu inganan na badia di Sikem pe puluk do halahi mamunu jolma! Disangajo halahi do mambaen hajahatan i sude.

JOHANNES 4:5

Dung di Samaria lalu ma Jesus tu sada kota na margoar Sikhar, nada sadia dao sian tano na nilehen ni si Jakob narobi tu anaknia na margoar si Josep.

BAENON NI ANGKA RASUL 7:16

Anggo holi-holi ni halahi dioban do muse tu Sikem jana dikuburkon ma di kuburan na nitobusan ni si Abraham dohot hepeng sian angka anak ni si Hemor na di Sikem i.

PANGARATAION 11:30

Di Hasundutan ni Batang aek Jordan do parpayak ni dolok na dua i di luat ni halak Kanaan na maringanan di Rura Jordan, mangadop tu Hasundutan nada sadia dao sian angka hayu pamelean More na di lambung ni kota Gilgal.)

IBRANI 11:9

Mardongan haporsayaan tu Debata, songon halak na ro do si Abraham di luat na nijanjihon ni Debata i tusia. Maringanan ma si Abraham disi di bagasan bandar. Laing songon i do si Ishak dohot si Jakob na dung dohot manjagit janji i sian Debata.

JOSUA 20:7

Jadi ditontuhon halak Israel ma angka na mangihut on gabe kota haporusan: Kedes di partoran Naftali na di Galilea, Sikem di partoran Efraim; dohot Hebron di partoran Juda.

JOSUA 24:32

Saring-saring ni si Josep na nioban ni halak Israel sian Mesir, ditanom ma di Sikem, di tano na nitobusan ni si Jakob mararga saratus potong hepeng perak sian angka anak ni si Hemor, amang ni si Sikem. Jana dipateankon do tano i tu angka pomparan ni si Josep.

HAKIM-HAKIM 7:1

Sanoli sogot sajo dope ngot ma si Gideon dohot angka anak buania jana kehe ma halahi marbandar di lambung ni mual ni Batang aek Harod. Di sabola Utara ni halahi do parbandaran ni halak Midian. Di rura na di lambung ni Tor More.

HAKIM-HAKIM 9:1

Sanoli kehe ma si Abimelek anak ni si Gideon i tu kota Sikem inganan ni koum sisolkot ni inangnia. Mangkobari ma ia disi dohot halahi, ning ia ma,