PAMUNGKAAN 12:5 - BIBEL JAMITA NA DENGGAN

⁵ Dioban si Abram do si Sarai dadaborunia i, dohot si Lot anak ni angginia bope sude arta dohot angka hatoban na dapotnia di Haran jana kehe ma halahi tu tano Kanaan. Dung lalu halahi di Kanaan,

PAMUNGKAAN 12:5 ပူးပေါင်းရင်းမြစ်များ

PAMUNGKAAN 10:19

jabat do, mangararati batas ni Kanaan mamungka sian Sidon lopus tu sabola Selatan donok tu Gerar, di lambung ni Gasa, dohot tu sabola Habincaran marayak Sodom, Gomora, Admah dohot Zeboim; di lambung ni Lasa.

PAMUNGKAAN 11:27

On ma pomparan ni si Terah: Si Terah ma amang ni si Abram, si Nahor dohot si Haran. Adong ma anak ni si Haran si Lot goarna.

PAMUNGKAAN 11:31

Dioban si Terah ma si Abram anakna i dohot si Lot pahompuna, dohot si Sarai parumaennia i, jadi rap kehe ma halahi manadingkon kota Ur na di Babilonia. Maksudnia giot kehe tu Kanaan do. Tapi dung lalu di Haran, gabe disi noma halahi maringanan.

PAMUNGKAAN 13:5

Si Lot pe adong do dongan sabagasnia dohot angka hatoban, bope biri-biri, hambeng dohot lombu.

PAMUNGKAAN 13:6

Jadi hara ni i nada tuk be angka ruput na di padang-padang i muda rap halahi na dua sainganan, harana madung mabahattu pahan-pahanan ni halahi.

PAMUNGKAAN 14:14

Dung tarboto tu si Abram na dung tartangkup anak ni angginia i, dipalagut ia ma sude jolma na adong di bandarnia i, i ma angka na malo marporang 318 halak bahatna, dikojar halahi ma raja si opat halak i lopus tu Dan.

PAMUNGKAAN 14:21

Didok raja ni Sodom ma tu si Abram, “Buat ma di ho barang na nirampas i, tapi anggo halakku mulak ma tu au.”

PAMUNGKAAN 28:10

Ditinggalkon si Jakob ma Berseba jana kehe ma ia tu Haran.

PAMUNGKAAN 36:6

Dung i dioban si Esau ma sude dadaborunia, angka anak dohot borunia, dohot sude jolma na adong di bagasnia maradu sude pahan-pahanan dohot barang-barang sinadongannia na dapotnia di Kanaan, ditadingkon ia ma si Jakob angginia i, jana kehe ma ia tu luat na asing.

HAMALIMON 22:11

Tapi anggo angka hatoban ni malim, na ditobusi dohot hepeng ni malim i sandiri sanga na sorang di bagas ni malim, tola do mangankon panganon na nijagit ni malim i.

BAENON NI ANGKA RASUL 7:4

Jadi ditadingkon si Abraham ma Luat Kasdim, bungkas ma ia tu Haran. Jadi dung jumolo amang ni si Abraham, dipabungkas Debata muse ma si Abraham tu luat on, i ma na niingananmunu saonnari ale angka dongan bope hamu amanami.