PAMUNGKAAN 12:10 - BIBEL JAMITA NA DENGGAN

¹⁰ Tapi masa do haleon potir di tano Kanaan, jana sun ma hancitna pambaen ni bala i, gabe kehe ma si Abram mur dumao tu Selatan lalu tu tano Mesir, anso disi noma ia jolo maringanan sanga na sadia honok.

PAMUNGKAAN 12:10 ပူးပေါင်းရင်းမြစ်များ

PAMUNGKAAN 41:56

Mur rarat ma haleon tu sude luat. Jadi dibuka si Josep ma sude sopo jana digadis ia ma eme i tu halak Mesir.

PAMUNGKAAN 41:57

Marroan ma halak sian na satano on tu Mesir laho manobusi eme sian si Josep, i ma hara ni santakna haleon potir i di sude inganan.

PAMUNGKAAN 42:5

Hara ni haleon potir na masa di Kanaan, gabe ro ma angka anak ni si Jakob rap dohot halak na asing manobusi eme di Mesir.

PAMUNGKAAN 43:1

Mur jebu ma haleon i di Kanaan,

PAMUNGKAAN 47:13

Hara ni santakna haleon i sanga na di dia nada adong be panganon. Gabe gale-gale ma halak Mesir dohot halak Kanaan hara ni na malean.

2 SAMUEL 21:1

Dompak si Daud mamarenta, masa ma haleon potir tolu taon honokna. Dung i adong ma dijagit si Daud panogu-noguon ni Tuhan taringot tusi, jana didok Tuhan ma, “Anggo haleon i, i ma hara ni hasalaan ni si Saul dohot donganna sabagas, mate diuhumi halahi antong angka halak Gibeon.” (

2 RAJA-RAJA 4:38

Dung i mulak ma si Elisa tu Gilgal di hatiha masa haleon di luat i. Jana di sada hatiha juguk ma angka panurirang di jolonia, mangkuling ma ia tu naposona, “Baen ma huali na gumodang i di ginjang ni api jana lompa ma panganon di angka panurirang i.”

2 RAJA-RAJA 6:25

jadi gabe masa ma haleon potir di bagasan kota i, jabat mararga sada ulu ni halode salapan pulu hepeng perak jana dua ons kotoran ni darapati mararga lima hepeng perak.

MASMUR 105:13

Mimbar-imbar do halahi sian bangso na sada tu na sada nari, bungkas sian luat na sada tu luat na asing.

MASMUR 107:34

Tano na napu dibaen Ia gabe tano garoga, hara ni hajahatan ni jolma na manginganisa.

MASMUR 34:19

Halak na burju, manaon bahat na hancit, tapi dipalua Tuhan do ia sian i sudena.

JEREMIA 14:1

Didok Tuhan ma songon on tu au taringot tu logo ni ari na manangging,

JOHANNES 16:33

Hudok pe i sudena anso marhasonangan do hamu harana di bagasan Au do hamu. Marhancit ma hamu baenon ni portibi on. Tapi sobar ma hamu! Madung Hutaluhon portibi on!”

BAENON NI ANGKA RASUL 14:22

Dipapos halahi ma roha ni angka na mangihutkon Jesus, jana dipaingot halahi ma angka na mangihutkon Jesus i anso tongtong porsaya tu Jesus. “Angkon jolo bahat do taononta parkancitan baru pe anso maruli hita hatuaan ni Harajaan Ni Debata,” ninna rasul i mamodai angka na mangihutkon Jesus di angka kota nangkinan i.

BAENON NI ANGKA RASUL 7:11

Jadi masa ma haleon potir di sude luat na di tano Mesir i dohot di Kanaan, gabe markancit situtu ma halak sudena. Nada dapotan sipanganon be angka ompunta i.

RUT 1:1

Di hatiha na markuaso angka Hakim di Israel, masa ma haleon potir di tano Israel. Hara ni i kehe ma sada bayo sian Betlehem di Juda dohot dadaborunia, rap dohot dua anaknia giot tinggal di Moab sanga na sadia lolot.