PAMUNGKAAN 12:1 - BIBEL JAMITA NA DENGGAN

¹ Didok Tuhan ma tu si Abram, “Tadingkon ma tano hagodanganmu, angka sisolkotmu dohot bagas ni amangmu, jana kehe ma ho mandapotkon luat na giot patuduhononKu tu ho.

PAMUNGKAAN 12:1 ပူးပေါင်းရင်းမြစ်များ

PAMUNGKAAN 15:7

Dung i didok Tuhan ma tusia, “Au ma da Tuhan na mangiring-iring ho ruar sian tano Ur na di Babilonia, anso Hulehen luat on gabe tanomu.”

PAMUNGKAAN 20:13

Jadi di na nisuru ni Debata au manadingkon bagas ni damang jana kehe tu angka luat na asing hudok ma tu dadaborungki, ‘Angkon patidahononmu do na tutu dihaholongi ho au, dokkon ma tu halak paboa na itomu do au.’ ”

PAMUNGKAAN 24:38

tapi angkon sian sisolkotku koum ni damang do. Jadi kehe ma ho manigor tu adu.’

PAMUNGKAAN 24:4

Angkon mangulahi tu luat hatubuanku do jalahanmu boru dongan matobangnia, i ma sian koum sisolkotku.”

PAMUNGKAAN 24:7

Na dung disumpahon Tuhan do tu au, i ma Debata na mangarajai langit, na maroban au sian bagas ni damang dohot sian luat ni koum sisolkotku na giot lehenonNia do luat on tu pomparanku. Laing suruonNia muse ma surusuruanNia mardalan di jolomu anso laing dapot ho boru sian adu di anakki.

PAMUNGKAAN 26:2

Dibaen ia songon i mardomu na dung dipataridahon Tuhan do diriNa tusia jana didok, “Ulang kehe ho tu Mesir, dison ma ho maringanan, laing songon na Hudokkon tu ho.

NEHEMIA 9:7

Ho do Debata, Tuhan Na Sun Sasada. Dipili Ho do si Abram sian tonga-tonga ni bangsona. Ur di Babel madung tading dibaen ia, dibaen Ho sandiri do na mamimpinsa. Lalu dilehen Ho goar na imbaru disia: Mamungka sian i si Abraham noma dokkonon goarNia.

JESAYA 37:12

Dompak na niluntak ni angka daompung kota Gosan, Haran dohot Rezep, lalu mamunu halak Eden na maringanan di Telasar, umpe sada sian debatana i na paluahon halahi.

JESAYA 41:9

Ho na dung Hubuat sian angka sundut ni tano on, jana Hupio sian suhi-suhina. Hudok ma tu ho: ‘NaposongKu do ho, madung Hupili ho jana nada tulahonKu be ho.’

JESAYA 51:2

Ingot ma ompumu si Abraham dohot si Sara; nada mardakdanak dope si Abraham di na Hupio ia. Jadi Hupasupasu ia jana Hubasa-basahon anak, Hulehen disia pomparan na bahat.

JEHESKIEL 33:24

“Ale jolma parsantongkinan, didok angka jolma na maringanan di angka lobu ni parhutaan na di tano Israel i do, ‘Dapot si Abraham do sude tano on, hape sasada ia sajo do nian. Hita on songon i ma bahatta, jadi gabe hita noma nampuna on.’ ”

BILANGAN 10:30

“Tarimakasi ma da,” ning si Hobab mangalusi, “tapi anggo au giot mulak tu huta hagodanganku do.”

2 KORINTUS 6:17

Hara ni i, morot ma hamu sian angka halak na so mananda Debata i, jana marsirang ma hamu sian halahi. Sandok, ulang ma marpardomuan hamu tu na hodar, dung i jagitonKu ma hamu.

IBRANI 11:8

Hara ni na porsaya, gabe dioloi si Abraham Debata, di na nipio ni Debata ia jana disuru anso kehe tu luat na nijanjihon ni Debata tusia. Dung i kehe do si Abraham so pola diboto ia sanga na giot tudia ia kehe.

HALUMBAAN 18:4

Jadi hubege ma sada sora na asing sian banua ginjang mandok, “Ruar ma hamu angka bangsongKu! Ruar ma hamu sian bagasan! Ulang ihutkon hamu angka dosana i, jana ulang dohot hamu mananggung uhumanna i!