9 Dibaen ma goar ni kota i Babel, harana disi ma disegohon Tuhan hata ni sude bangso, jana sian i ma halahi marsitondong dalanna be tu sude portibi on.
Dua anak ni si Eber; sada ma i na margoar si Peleg, harana di hatihania ma tarbagi-bagi angka bangso na di tano on; na paduahon i ma na margoar si Joktan.
Halahi ma na gabe ompu ni angka bangso na maringanan di topi ni laut dohot di angka pulo-pulo. Pomparan ni si Jafet ma sudena i jana marsiingani tanona be do halahi marguru tu marga ni halahi. Jana adong be do hatana.
Sian sada jolma dibaen Ia ma sude bangso jana disuru Ia halahi mangingani tano on sudena. Laing marguru diSia do sian mulana laho manontuhon sanga andigan hatihana jana olat ni dia batasna halahi tola mangolu.
Jadi muda marlagut hamu, marsidok hatana be ma na marlagut i di hata na so niastuan, hape ro muse ma deba halak na asing, sanga angka halak na so Kristen, tontu na rintik do hamu sudena ninna roha ni halahi!