PAMUNGKAAN 11:30 - BIBEL JAMITA NA DENGGAN

³⁰ Tapi nada maruntungan si Sarai.

PAMUNGKAAN 11:30 ပူးပေါင်းရင်းမြစ်များ

PAMUNGKAAN 11:31

Dioban si Terah ma si Abram anakna i dohot si Lot pahompuna, dohot si Sarai parumaennia i, jadi rap kehe ma halahi manadingkon kota Ur na di Babilonia. Maksudnia giot kehe tu Kanaan do. Tapi dung lalu di Haran, gabe disi noma halahi maringanan.

PAMUNGKAAN 25:21

Dibaen nada maruntungan si Ribka, martangiang ma si Ishak tu Tuhan salaho tu dongan saripenia i. Jana dipatalus Tuhan do tangiang ni si Ishak i, jana denggan ma pamatang ni si Ribka.

PAMUNGKAAN 29:31

Di na niida ni Tuhan na so sadia si Lea dihaholongi songon si Rahel, dipaloas Tuhan ma si Lea mardakdanak. Tapi anggo si Rahel nada maruntungan.

MASMUR 113:9

Tu ina na so maruntungan dilehen Ia dakdanak, dibaen Ia do i gabe ina na martua. Puji ma Tuhan!

LUKAS 1:36

Jana parate-atehon ma on: Si Elisabet edami pe madung pola onom bulan denggan pamatangnia haru pe didok halak ia na so maruntungan boti umurnia pe madung ginjang.

LUKAS 1:7

Nada mardakdanak halahi angke na so maruntungan do si Elisabet, boti rap matobang do halahi.

HAKIM-HAKIM 13:2

Adong ma di hatiha i sada bayo di kota Zora, goarna si Manoah sian Marga Dan. Na so maruntungan do dadaborunia.

1 SAMUEL 1:2

Dua halak dadaboru ni si Elkana, i ma si Hanna dohot si Penina. Adong do anak ni si Penina, tapi anggo si Hanna nada adong.

1 SAMUEL 1:5

Tapi laing dilehen ia muse do deba di si Hanna, angke sun do holong ni roha ni si Elkana tusia, haru pe na so dilehen Tuhan anak disia.