PAMUNGKAAN 11:3 - BIBEL JAMITA NA DENGGAN

³ Marsidokkonan ma halahi na sada tu donganna, “Tole ma tabaen batu bata, tatutung ma i lopus pir.” Songon i ma dalanna gabe adong batu bata di halahi sipakeon laho pajongjong bangunan dohot na gabe sipakeon laho palohotkonsa.

PAMUNGKAAN 11:3 ပူးပေါင်းရင်းမြစ်များ

PAMUNGKAAN 11:4

Didok halahi ma, “Tabaen ma sada kota dohot sada tugu lopus tu langit puncutna, anso tarbonggal goarta sandiri jana anso ulang marserak hita di tano on.”

PAMUNGKAAN 11:7

Dumenggan ma mijur Hita jana Tapasarsar ma hata ni halahi anso ulang be marsiastuan hata ni halahi be.”

PAMUNGKAAN 14:10

Na gohan do di rura i sumur aspal, jana di na marlojongi angka raja ni Sodom dohot Gomora paluahon dirina sian parporangan i, dojup ma halahi madabu tu bagasan ni angka sumur i. Anggo raja na tolu halak nari malua do halahi jana maporus tu dolok.

2 SAMUEL 12:31

Tamba ni i dioban muse dope halak kota i jana disuru maroban gargaji, pangkur bosi, dohot kapak bosi jana dibaen ma halahi markarejo di inganan partukangan ni batu bata. Laing songon i ma dibaen ia tu angka kota ni halak Amon na asing. Dung salpu i, mulak ma si Daud dohot sude tentarania i tu Jerusalem.

MASMUR 64:5

Togu do halahi marsitiopan tu sangkap na jahat na nibaenna; marpokat halahi laho manaon tirangkap, jana marpikir nada adong halak marnidasa.

HARURUAR 1:14

mambaen ngolu ni halahi markancit. Saotik pe nada adong ibo ni roha di halahi, dipaksa do halahi markarejo di angka proyek pambangunan dohot di ladang-ladang.

HARURUAR 2:3

Dung mur lolot nada tarbunihon ia be. Gabe dibuat ia ma karanjang na nibayu sian galoga, dilapis ia ma i dohot ter anso tahan tu aek. Dipamasuk ia ma dakdanak i tu bagasan karanjang i, lalu dioban tu batang aek, jana dipayakkon ia ma tu galoga na di topi ni batang aek i.

PODA 1:11

Sugari sura didok halahi, “Beta tajalahi ma jolma jana tabunu. Beta ma marjop ni roha hita marhite na manyaroso halak na so marsala.

PARJAMITA 2:1

Huputuskon ma di bagasan roha, giot pasonangkon rohangku sandiri jana mangkilalahon sanga songon dia hasonangan i. Hape laing tong do nada marguna.

JESAYA 5:5

Antong, songon on noma baenonKu kobun anggurKi: AngkatonKu noma handang na humaliang kobun i, tembok na manjagohon kobun i pe rumpakkononKu noma i, padiaronKu ma angka binatang riar manjampali i lalu mandege-degesa.

JESAYA 65:3

Sai torus do halahi mambaen muruk Au. Hara ni na mamelehon haul di kobun tu angka debata jana manutungi hamonyan di angka langgatan na disi.

JESAYA 9:10

“Madung mangkarumpak angka bagas na sian batu bata, tapi baenonnami ma angka bagas na imbaru sian batu. Ma pola nitabaan angka balok sian hayu ara; gontionnami ma i dohot hayu sampinur Libanon na dumenggan i.”

NAHUM 3:14

Timbai ma aek simpanan lopus tuk pakeonmu salolot hona hobuk ho, jana patogu ma angka bentengmu! Lonca-lonca ma bustak, mambaen batu bata, jana pasingkop ma tuanganna.

IBRANI 10:24

Jana marsipamanatan ma hita sama hita anso tarbaen hita marsiparinggasan patupahon angka na denggan dohot patuduhon holong marsihaholongan.

IBRANI 3:13

Jadi, anso ulang adong sanga ise sian hamu na hona tipu dibaen dosa, na mambaen gabe mangalo tu Debata, angkon marsipaingotan do hamu sama hamu ganop ari salolot mangolu hita di hatiha na nidok “Sadari on” di Buku Na Badia i.

JAKOBUS 4:13

Hamu angka dongan na mandok, “Sadari on sanga ancogot na giot kehe do hami tu kota adu i jana disi ma hami maringanan sataon honokna anso marjagal jana manjalahi hepeng disi,

JAKOBUS 5:1

Hamu angka halak na mora! Tangihon hamu ma sipaingotkon. Tangis ma hamu jana mangandungi, harana manaon parkancitan ma hamu!