PAMUNGKAAN 10:5 - BIBEL JAMITA NA DENGGAN

⁵ Halahi ma na gabe ompu ni angka bangso na maringanan di topi ni laut dohot di angka pulo-pulo. Pomparan ni si Jafet ma sudena i jana marsiingani tanona be do halahi marguru tu marga ni halahi. Jana adong be do hatana.

PAMUNGKAAN 10:5 ပူးပေါင်းရင်းမြစ်များ

PAMUNGKAAN 10:20

I ma pomparan ni si Ham, na maringanan di tanona be do mangihutkon marga ni halahi. Adong be do hata ni halahi.

PAMUNGKAAN 10:25

Dua anak ni si Eber; sada ma i na margoar si Peleg, harana di hatihania ma tarbagi-bagi angka bangso na di tano on; na paduahon i ma na margoar si Joktan.

PAMUNGKAAN 10:32

I ma angka pomparan ni si Noak mangihutkon partubuna be. Dung salpu aek na oto i, sude bangso na di tano on pomparan ni angka anak ni si Noak noma.

PAMUNGKAAN 10:4

Pomparan ni si Jawan ma bangso Elisa, Spanyol, Siprus dohot Rodes.

PAMUNGKAAN 10:6

Angka anak ni si Ham i, i ma si Kus, Mesir, Libia dohot Kanaan i ma na gabe ompu ni angka bangso na nigoar mangihutkon goar ni halahi.

PAMUNGKAAN 9:19

Anak ni si Noak na tolu halak on ma ompu ni sude jolma na satano on.

ESTER 10:1

Dipamasa Raja Ahasweros ma marrodi, nada hum tu rayat na adong di topi ni laut di harajaannia i, tapi dohot do di angka luat parbagasan dipaksa markarejo.

MASMUR 72:10

Angka raja ni Tarsis dohot angka pulo marsioban silua somba-somba ma tusia. Angka raja ni Arab dohot Etiopia marroan manaruhon gugu bolaanna.

JESAYA 11:11

Di ari i, sanoli nari giot pakeon ni Tuhan ma kuasoNia jana obanonma bangsoNia na teba i di Asur dohot Mesir, di angka luat ni Patros, Sudan dohot Elam, di Babel, Hamat dohot di angka pulo na di laut.

JESAYA 24:15

jana halak na di Habincaran pe pujionna ma Ia. Sudena halak angka na maringanan di topi ni laut mamuji Tuhan, Debata ni Israel.

JESAYA 40:15

Anggo satutuna angka bangso, songon santetek aek do i di bagasan timba; songon sangkibung abu di timbangan. Anggo satutuna songon abuan do borat ni angka pulo.

JESAYA 41:5

Angka pulo madung mangaligisa jana gabe mabiar, angka sundut ni portibi on humitir-hitir; ro ma halahi mandonok.

JESAYA 42:10

Endehon ma logu na imbaru di Tuhan, jana puji ma Ia sian sude parsuhi ni tano on. Gumadobur ma laut maradu sude isina, dohot angka pulo rap dohot sandok na manginganisa.

JESAYA 42:4

Nada mose ia sanga malapat, lopus dipajongjong ia tona di tano on; sude pulo manghalungunkon pangajaranna.”

JESAYA 49:1

Tangihon ma au, ale angka pulo, parrohahon ma, ale angka bangso na dao! Hatiha sian bortian dope madung dipio Tuhan madung didok goarku hatiha dibortian ni dainang.

JESAYA 51:5

Di bagasan sangkidop mata mandonok ma haluaan na sian Au, ro ne ma haluaan na Hulehen, jana markite kuaso ni tanganKu, parentaonKu ma sude angka bangso; tu Au noma pulo-pulo paintehon. Pambaenan ni tanganKu do diarop roha ni halahi.

JESAYA 59:18

UhumanNia noma angka musuNia marguru tu pambaenan ni halahi, salang angka bangso na dao-dao pe nada malua sian uhumanNia.

JESAYA 60:9

I ma da angka kapal na marlabu sian Tartis maroban bangso ni Debata mulak sian luat na dao. Sere dohot perak laing diobansa, laho mamuji Tuhan Debata; di Debata ni Israel na umbadia, na mambaen bangsoNia dapotan sangap.

JEREMIA 2:10

Manopi-nopi ma hamu di Siprus sabola Hasundutan, suru hamu ma halak tu Habincaran tu tano Kedar, tangkas ma pareso hamu disi, sanga unjung do masa pangalaho sisongon i?

JEHESKIEL 26:15

Didok Tuhan Debata i ma tu kota Tirus, “Humitir ma angka halak na maringanan di luat na di topi ni laut hara ni biarna muda dibege barita ni hataluanmu dohot angguk ni angka jolma na di panyambolan.

JEHESKIEL 26:18

Saonnari, di ari hatatalumu humitir be ma halak na maringanan di angka pulo. Tarsonggot be ma halahi sude marnida parsegomu na so tarasam be.”

DANIEL 11:18

Dung salpu i; giot porangonnia ma angka bangso na di topi ni laut, jana bahat do i taluhononna. Tapi taluhonon ni sada pamimpin ni luat na asing ma ia jana antahonna ma incak-incak na nibaenna, jana mur ia noma layasan ni angka pamimpin ni luat na asing i.

ZEPANYA 2:11

Mabiar ma halahi baenon ni Tuhan. PatoruhonNia ma sahala ni angka debata na di tano on lopus nada adong be arga ni i sude. Jadi gabe marsomba tu Tuhan noma sandok bangso, di tanona sandiri be.

PANGARATAION 32:8

Ditontuhon Ia batas di ganup bangso, dibagi do i hombar tu torop ni bangso Israel.