PAMUNGKAAN 10:2 - BIBEL JAMITA NA DENGGAN

² Angka on ma anak ni si Jafet: Si Gomer, si Magog, si Madai, si Jawan, si Tubal, si Mesek dohot si Tiras. Halahi ma na gabe ompu di angka bangso na nigoaran mangihutkon goar ni halahi.

PAMUNGKAAN 10:2 ပူးပေါင်းရင်းမြစ်များ

PAMUNGKAAN 10:1

On ma pomparan ni angka anak ni si Noak, i ma si Sem, si Ham dohot si Jafet. Dung salpu aek na oto i, adong ma angka anak ni halahi na tolu.

PAMUNGKAAN 10:21

Si Sem, angkang ni si Jafet ma ompu ni sude bangso Ibrani.

PAMUNGKAAN 9:27

Sai ditambai Debata ma pasupasu tu si Jafet. Jana mur mabidang ma inganannia. Sai rap sauduran ma pomparannia dohot pomparan ni si Sem. Hatoban ni si Jafet noma si Kanaan.”

2 RAJA-RAJA 17:6

i ma muse taon pasambilankon dung mamarenta si Hosea, dirampas si Salmaneser ma Samaria. Dioban ia ma halak Israel gabe tabanan tu Asur. Dibaen ia ma deba halahi di kota Hala, deba di lambung ni Batang aek Habor na di Luat Gosan jana deba nari di angka kota na di Luat Madai.

MASMUR 120:5

Marjaya ma au on hara ni na rap au dohot hamu; nada imbarna songon na maringanan di Mesek, sanga di tonga-tonga ni halak Kedar.

JESAYA 66:19

jana botoon ni halahi ma Au do na manguhumi halahi. Tapi adong do saotik sian halahi na giot paluaonKu. SuruonKu ma halahi mandapotkon angka bangso di luat angka na dao na so jungada dope umbege salaho tu Au sanga marnida hagodangan dohot kuasongKu: Tu Spanyol, Libia, tu Lidia mardongan angka parsior na malo, tu Tubal dohot Junani. Baritahonon ni halahi ma hagodanganKu di tonga-tonga ni angka bangso i.

JEHESKIEL 27:19

Jana ditukarkon halahi do anggur gonti ni angka barangmu, bosi na dung ditopa sian usal, hayu dohot tobu pe adong do di barang jagalanmu.

JEHESKIEL 27:7

Layar na gabe tandamu sian abit linen na ditonun di Mesir, na disulam marrupa-rupa. Halus ma tutu abit ni angka tandamu, tonunan Siprus na rara ungu.

JEHESKIEL 32:26

Mesekh pe dohot Tubal disi do, dihuliangi kuburan ni angka parajurit ni halahi. Nada jolo marsunat, marmatean do halahi di bagasan parporangan. Taran mangolu, mabiar do halak di portibi on dibaen halahi.

JEHESKIEL 38:15

Kehe ho mardalan sian ingananmu na di Utara, diudurkon tentara sibahat-bahat jana na gogo situtu, na markudo do i sude sian ragam ni angka bangso.

JEHESKIEL 38:2

“Ale anak ni jolma parsantongkinan, burai ma si Gog raja godang na sian angka Luat Mesekh dohot Tubal na di tano Magog.

JEHESKIEL 38:6

Rap ro ma dohot ia sude parporang na sian Luat Gomer dohot Bet-Togarma na di Utara, jana bahat dope bangso na asing rap dohot ia.

JEHESKIEL 39:1

Didok Tuhan Debata i ma, “Ale jolma parsantongkinan, gorahon ma si Gog, raja godang na sian Luat Mesekh dohot Tubal, jana paboa ma tusia, musunia do Au.

HALUMBAAN 20:8

jana kehe ma i giot paoto-otohon angka bangso na marserak di sude portibi on, i ma si Gog dohot si Magog. Nada taretong sanga na sadia bahat ni halahi na giot palaguton ni Sibolis i laho marporang.