PAMUNGKAAN 1:9 - BIBEL JAMITA NA DENGGAN

⁹ Dung i mangkuling ma Debata, “Marpungu ma aek na di toru ni langit i tu sada inganan, lopus tarida tano i” gabe jadi ma songon i.

PAMUNGKAAN 1:9 ပူးပေါင်းရင်းမြစ်များ

PAMUNGKAAN 1:8

Digoari Debata ma awang-awang i “Langit”. Salpu ma borngin, jana torang ma ari – i ma ari paduahon.

NEHEMIA 9:6

Dung i martangiang ma rayat ni Israel songon on, “Ho do antong Tuhan, ho do na sun sasada: Dijadihon Ho do bintang dohot sude angkasa. Songon laut dohot tano maradu sude isina. Lalu dilehen Ho ngoluna jana manyarihonsa. Sude kuaso na di langit marsomba sujud. Tunduk halahi tu Ho jana mangunduk.

JOB 26:10

Digombar Ia simaningko di sisik ni lautan, manyirang na torang sian hagolapan.

JOB 26:7

Dipahembang Debata do langit na di Utara, jana digantungkon Ia do portibi di inganan na soada.

MASMUR 104:3

diginjang ni aek di langit dipajongjong Ho bagasMu. Angka ombun do dibaen Ho karetaMu, na mardalan di ginjang ni habong ni alogo.

MASMUR 33:7

Sude aek laut dipalagut Ia di sada inganan, ditahan Ia laut na bidang anso ulang jabat marlobian.

MASMUR 95:5

Dirajai Ia do laut na nibaenNia, darat pe laing karejo ni tanganNia.

PARJAMITA 1:7

Mardalan tu laut do sude batang aek, hape laing so marnagok do laut i. Mulak aekna i tu julu ni batang aek i, dung i mardalan pahae mangulahi.

JEREMIA 5:22

Au ma da Tuhan; biasi nada mabiar hamu tu Au? Sapatutna angkon humitir do hamu nian maradopkon Au! Au do da mambaen pante gabe batas ni laut na so hasalpuansa salolot-lolotna. Tarbaen laut i do marombak jana tarbaen galumbang i do mangamuk, tapi nada tarsalpuisa batas i.

JUNUS 1:9

Dialusi si Junus ma, “Halak Ibrani do au. Tuhan Debata na di banua ginjang i do husomba, i ma na manompa laut dohot darat.”

2 PETRUS 3:5

Sangajo na so ra do halahi umbotosa paboa na nitompa ni Debata do langit dohot tano on narobi markite-hite hata ni Debata; tano on pe sian aek do ditompa jana mardongan aek;

HALUMBAAN 10:6

Marsumpa ma ia mangasahon goar ni Debata na mangolu i salolot-lolotna, na manompa langit, tano dohot laut bope sasudena na adong di langit, di tano dohot na di laut i. Didok surusuruan i ma, “Nada palambaton be hatihana!