PAMUNGKAAN 1:31 - BIBEL JAMITA NA DENGGAN

³¹ Ditatap Debata ma sude na nitompaNia i jana sun ma dengganna sudena i diida Ia. Salpu ma borngin jana torang ma ari – i ma ari paonomkon.

PAMUNGKAAN 1:31 ပူးပေါင်းရင်းမြစ်များ

PAMUNGKAAN 1:13

Salpu ma borngin jana torang ma ari – i ma ari patoluhon.

PAMUNGKAAN 1:19

Salpu ma borngin jana torang ma ari – i ma ari paopatkon.

PAMUNGKAAN 1:23

Salpu ma borngin jana torang ma ari – i ma ari palimahon.

PAMUNGKAAN 1:5

jana digoar ma na torang i “Arian”, jana na golap i “Borngin”. Salpu ma borngin jana torang muse ma ari – i ma ari parjolo.

PAMUNGKAAN 1:8

Digoari Debata ma awang-awang i “Langit”. Salpu ma borngin, jana torang ma ari – i ma ari paduahon.

PAMUNGKAAN 2:2

Di ari papituhon, dipasidung Debata ma karejoNia, lalu maradian ma Ia.

PAMUNGKAAN 2:3

Dipasupasu jana diparbadiai Ia ma ari papituhon i, dibaen di ari i ma dipasidung Ia karejoNia na manompa i, gabe maradian ma Ia karejo.

JOB 38:7

di na rap marendei angka bintang andostorang dohot angka na nijadihon di banua ginjang marsurak marmoga sonang?

MASMUR 104:24

Na bahat ma antong parkarejoanMu, ale Tuhan, gok tano on dohot sude na NitompaMu. Dibaen Ho sudena i marhite hamaloonMu sandiri.

MASMUR 104:28

Jana panganon na nipasingkopMu pe, dipangan halahi do i lopus butongan be.

MASMUR 104:31

Sai marmulia ma Tuhan salolot-lolotna, sai jop ma rohania marnida sude na nitompaNia!

MASMUR 119:68

Na denggan ma antong rohaMu, jana denggan muse pambaenanMu ajarkon ma tu au angka hatontuan na nibaenMu.

HARURUAR 20:11

Dibaen di bagasan onom ari do lolotna ditompa Tuhan langit dohot tano, laut dohot nasa isina, jana maradian do Ia di ari papituhon i. Hara ni i ma dibaen dipasupasu Tuhan Ari Sabat i jana diparbadiai.

HARURUAR 31:17

I ma sada tanda parjanjian antara Au dohot bangso Israel ro di salolot-lolotna; angke di bagasan onom ari do ditompa Tuhan langit dohot tano, jana maradian do Ia di ari papituhon i.”

PODA 16:4

Dibaen Tuhan do sude hombar tu tujuanna; jana hamagoan do ujung ni parjahat.

PARJAMITA 3:11

Ditontuhon Ia do hatiha na topet di sasude na adong. Dilehen Ia do di hita por ni roha laho umboto ari na giot ro, tapi nada unjung dilehen Ia hasosombu di hita laho mangastui sude pambaenanNia.

ANDUNG 3:38

hara ni parentaNia sajo do mardalan na denggan sanga na jat.

PANGARATAION 32:4

Tuhan ma da na mangondihon ho gumogo, sude dalanNa tigor jana sanggam do. Setia do Debatamu jana ias rohaNa, na denggan dohot na patut do dibaen Ia.

1 TIMOTEUS 4:4

Denggan do sasudena sanga aha na nijadihon ni Debata, sada pe sian i nada tama etongon na so hasaya muda dung nijagit i mardongan hatarimakasion tu Debata.

1 TIMOTEUS 4:5

Angke pasupasu na sian Debata do dohot tangiang na nipasahat tu Debata mambaen gabe marguna angka sipanganon i.