PAMUNGKAAN 1:3 - BIBEL JAMITA NA DENGGAN

³ Jadi mangkuling ma Debata, “Jadi ma na torang” gabe adong ma na torang.

PAMUNGKAAN 1:3 ပူးပေါင်းရင်းမြစ်များ

PAMUNGKAAN 2:4

On ma barita panompaon ni langit dohot tano on. Di hatiha na nitompa ni Tuhan Debata langit dohot tano on,

JOB 36:30

Ditorangi Ia do dohot hilap langit sudena, hape anggo tandolan ni laut laing golap bulita.

JOB 38:19

Diboto ho dehe sanga na sian dia haroro ni hatiuran, dohot aha do satutuna mula ni hagolapan?

MASMUR 104:2

maruloskon sinondang na torang do Ho. Dipahembang Ho do langit songon undung-undung,

MASMUR 118:27

Tuhan do Debata, madung ditorangi Ia, hita. Tambatkon ma haul pesta i dohot tali, tu tanduk-tanduk ni langgatan i.

MASMUR 148:5

Denggan ma sude halahi mamuji Tuhan, angka parentaNia do manjadihon i sudena.

MASMUR 33:6

Dilehen Tuhan ma parenta, gabe adong ma langit, mataniari, bulan dohot bintang dijadihon hataNia.

MASMUR 33:9

Angke mandok hata Ia, gabe tarjadi ma sasudena dibaen Ia parenta, gabe adong ma sasudena.

MASMUR 97:11

Halak na tigor ditorangi sinondang, halak na jujur gok jop ni roha.

JESAYA 45:7

Au do manjadihon na torang dohot na golap, Au do parohon pasupasu dohot bura. Hum sasada Au sajo do Tuhan, sudena i madung Hupadalan.

JESAYA 60:19

Nada porlu sinondang ni mataniari di ho muda arian, borngin pe nada pola marsinondang bulan. Angke Au Tuhan, Au sandiri gabe panorangimu salolotna, sondanganKu hamu marhite sondangKu na marmulia.

MATEUS 8:3

Disurduhon Jesus ma tanganNia laho manjama bayo i. Didok Jesus ma tusia, “Ra do Au, malum ma ho!” Santongkin i mago ma nyaena i jana manigor malum.

JOHANNES 1:5

Marsinondang do na torang i di hagolapan, jana nada tarintopi hagolapan i na torang i.

JOHANNES 1:9

Torang na tutu na manorangi sandok jolma, ro tu portibi on.

JOHANNES 11:43

Dung didok Jesus songon i, dipagogo Ia ma soraNia pio-pio, “Haruar ma ho Lasarus!” ning Ia.

JOHANNES 3:19

Tapi on do panguhuman i: Madung ro hatorangan i tu tano on, tapi humolongan do roha ni jolma i tu hagolapan ulang pado hatorangan i, harana jahat do pangalaho ni halahi.

2 KORINTUS 4:6

Debata do mandok, “Bincar ma na torang sian na golap.” Laing Debata na sada i muse do na pabincarkon sinondang i di bagasan rohanta, anso gabe torang rohanta laho mangastui hamuliaon ni Debata na marsinondang di bohi ni Jesus.

EPESUS 5:14

Jana sasudena na tarida tangkas, na torang do i. Hara ni i do umbaen na didok, “Ngot ma ho na modom i, jana jongjong ma ho sian hamatean! Giot marsinondang ma Kristus di ginjangmu.”

EPESUS 5:8

Hamu sandiri pe di hagolapan hian do najolo. Anggo saonnari madung gabe na torang hamu di bagasan Tuhan i. Hara ni i, mangolu ma hamu songon angka dakdanak ni hatorangan i.

1 TIMOTEUS 6:16

Hum Ia sajo do na so tarkuasoi hamatean; di bagasan sinondang na so hadonohan sanga ise pe. Nada adong sahalak jolma pe na jungada marnida Ia, sanga na tarbaen marnida Ia. Angkon lehenon ma nian tuSia sangap dohot kuaso salolot-lolotna! Amen.

1 JOHANNES 1:5

Anggo jamita na hami jagit sian Anak Ni Debata jana na hami paboa tu hamu, on do: Na torang do Debata i, jana nada adong hagolapan bagi aha pe diSia.

1 JOHANNES 2:8

Tapi haru songon i pe, laing tona na imbaru do dohonon na husuratkon on. Madung tangkas tarida parenta on di diri ni Jesus Kristus dohot di dirimunu; angke madung mamungka salpu hagolapan jana mamungka ma bincar sinondang na tigor.