PAMUNGKAAN 1:29 - BIBEL JAMITA NA DENGGAN

²⁹ Hupasahat ma tu hamu sude ragam ni na marbatu dohot sude ragam ni suan-suanan gabe panganonmunu;

PAMUNGKAAN 1:29 ပူးပေါင်းရင်းမြစ်များ

PAMUNGKAAN 2:16

Didok Tuhan Debata ma tu jolma i, “Tola do panganonmu parbatu ni sude suan-suanan na di kobun on,

PAMUNGKAAN 6:21

Boan muse ma sude ragam ni panganon di ho dohot di angka binatang i.”

PAMUNGKAAN 9:3

Jana saonnari tola ma panganonmunu i sude tamba ni angka simarata; Hupasahat ma i sude gabe sipanganonmunu.

JOB 36:31

Songon i ma da dalanna pangolu angka bangso dibaen Ia jana dilehen Ia panganon na marlobi-lobian.

MASMUR 111:5

Dilehen Ia rasoki di halak na burju marugamo, jana na sai marningot di janjiNia.

MASMUR 115:16

Hum Tuhan do nampuna langit, tapi anggo tano on dilehen Ia do tu jolma.

MASMUR 136:25

Ganop mahluk na mangolu dilehen Ia mangan, hot do holong ni rohaNia sapanjangna.

MASMUR 146:7

Dilehen Ia do hatigoran tu halak na hona sosak, jana na mangalehen sipanganon tu halak na male. Dipalua Tuhan do angka na tarhurung,

MASMUR 147:9

Dilehen Ia do jampalan di pahan-pahanan, di anak ni sigawak na nguak-nguak.

MASMUR 24:1

Tuhan do nampuna tano dohot pangisina, portibi dohot sude na manginganisa.

JESAYA 33:16

Jadi gabe malua do hamu jana sonang, songon na tinggal di bagasan benteng na togu. Singkop do sipanganon dohot siinumon di hamu.

HOSEA 2:8

Nada jungada dioku inangmi paboa Au do na mangalehen gandum, anggur, miak zetun dohot sere dohot perak bage na nipakenia i laho marsomba Baal i.

MATEUS 6:11

Lehen ma di hami panganonnami na porlu sadari on,

BAENON NI ANGKA RASUL 14:17

Tapi nada lupa Ia mangalehen angka bukti taringot tu diriNia, markite-hite na mambaen na denggan. Dilehen Ia do udan tu hamu sian langit i dohot suha ni tano marguru tu hatihana. Dilehen Ia do balanjo di hamu jana dipasonang Ia do rohamunu.”

BAENON NI ANGKA RASUL 17:28

Harana, “Mangolu pe hita jana manggulot sanga pe adong hita, di bagasan Ia do.” Laing songon na nidok ni angka parumpama di hamu on, “Angka pomparanNia do hita.”

1 TIMOTEUS 4:3

Diajari halahi do halak anso ulang mambuat boru dohot mamantangkon angka sipanganon. Hape nian na nijadihon ni Debata do angka sipanganon i anso mardongan tarimakasi tu Debata, dipangan angka na porsaya tu Kristus dohot na dung mananda hasintongan ni Debata, angka sipanganon i.

1 TIMOTEUS 6:17

Tu angka halak na kayo di tano on, paingot ma halahi anso ulang manyombong jana anso ulang mararop ni roha halahi tu angka barang-barang na ra salpu – songon sinadongan rupani. Angkon mararop ni roha tu Debata do halahi, i ma Debata na mangalehen sasudena tu hita marlobi-lobi anso sonang hita.