Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




PAMUNGKAAN 1:28 - BIBEL JAMITA NA DENGGAN

28 Dipasupasu Debata ma halahi, didok Ia ma, “Gabe ma hamu maranak marpahompu, lopus sude sisik ni tano on diingani jana dirajai pomparanmu. Hupasahat ma tu hamu mangurus angka ihan, unggas dohot sude binatang riar.

အခန်းကိုကြည့်ပါ။ ကော်ပီ




PAMUNGKAAN 1:28
28 ပူးပေါင်းရင်းမြစ်များ  

Dipasupasu Debata ma i sudena jana diparentahon Ia ma tu sude na mangolu di bagasan aek anso mamopari laho manggohi laut, jana tu angka unggas anso mur martamba bahat.


PasupasuonKu ma ia jana tubuhononnia ma sada anak halaklahi na giot lehenonKu di ho. Ligi da, pasupasuonKu ma si Sara, jana gabe ina ni angka bangso ma ia. Sian angka pomparannia, adong ma na gabe angka raja.”


Madung Hubege pangidoanmi taringot tu si Ismael, jadi hara ni i pasupasuonKu do ia jana lehenonKu pomparan na bahat tusia. Gabe ompu ni dua bolas raja ma ia, jana baenonKu ma pomparannia gabe sada bangso na godang.


Jadi borngin i dipataridahon Debata ma diriNa tusia mandok, “Au ma da Debata ni amangmu si Abraham. Ulang ho mabiar. Au do mandongani ho. PasupasuonKu ma ho jana lehenonKu ma tu ho bahat pomparanmu hara ni janjingKu tu naposongKu si Abraham.”


Dung manaili si Esau humaliang, diida ia ma angka dadaboru dohot angka dakdanak i, jadi disapai ia ma, “Angka ise dehe donganmon?” “Angka dakdanakku do i da tuanku,” ning si Jakob mangalusi. “Madung dipataridahon Debata tu iba holong ni rohaNa jana dilehen angka dakdanak i tu au.”


Debata ni amangmu ma mangurupi ho, Na Gumogo i ma mamasumasu ho marhite pasupasu sian langit na di ginjang dohot pasupasu sian aek na di toru ni tano, marhite anak dohot pahan-pahanan.


Halaklahi dohot dadaboru do halahi ditompa Ia. Dipasupasu Ia do halahi jana digoari Ia ma halahi “Jolma”.)


Dung mur mamarpar jolma i di tano on jana sorang angka anak boru di halahi,


Paruar ma sude unggas dohot binatang i, anso tarbaen halahi mamopari jana mamarpar di sude tano on.”


Dipasupasu Debata ma si Noak dohot angka dakdanaknia i jana didok Ia ma, “Maranak marpahompu ma hamu, anso diingani pomparanmunu tano on sude.


Olo tutu, angkon maranak marpahompu ma hamu bahat-bahat, anso diingani pomparanmu tano on sude.”


Tapi martangiang ma si Jabes tu Debata na nisomba ni halak Israel, ning ia ma, “O Debata, pasupasu ma au jana sugari pabidang ma nian luat di au. Jagohon ma au jana padao ma parmaraan anso ulang marhancit au.” Jana tulus do tangiangnia i dibaen Debata.


Tarpangasahon ho ma he gogona na sumurung i, jana pasahatonmu tusia karejomu na borat i?


Dipasupasu Tuhan ma si Job, maradu marlobi-lobi di angka ngolunia na tinggal i, lumobi sian dompak so masa sitaononnia i. Adong do opat bolas ribu bahatna hambeng biri-biri ni si Job, onom ribu untonia, dua ribu lombu dohot saribu halode.


Dibasa-basahon Tuhan di halahi bahat anak, jana pahan-pahanan ni halahi pe sai mamopari.


Hum Tuhan do nampuna langit, tapi anggo tano on dilehen Ia do tu jolma.


Puji ma Debata, ale langit dohot tano, laut dohot sude pangisina.


Dilehen Ho disia kuaso maradopkon na nitompaMu, madung dipatunduk Ho tusia sasude na adong.


biri-biri, lombu dohot sude pahan-pahanan, sandok binatang na di padang na bidang;


Angke songon on do didok Tuhan, na manompa langit, – Ia do Debata –. Ditompa jana digana Ia tano on tohong dibaen Ia jana hot jongjong; ditompa Ia i nada anso ulang marisi, tapi baen inganan ni jolma do i; “Au do Tuhan, jana nada adong na asing.


Hupasupasu pe hamu jana Hulehen bahat pomparanmunu. Sude na dung Hujanjihon tu hamu, angkon patulusonKu.


Diajari halahi do halak anso ulang mambuat boru dohot mamantangkon angka sipanganon. Hape nian na nijadihon ni Debata do angka sipanganon i anso mardongan tarimakasi tu Debata, dipangan angka na porsaya tu Kristus dohot na dung mananda hasintongan ni Debata, angka sipanganon i.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ