PAMUNGKAAN 1:21 - BIBEL JAMITA NA DENGGAN

²¹ Songon i ma ditompa Debata angka binatang na godang-godang di laut, dohot sude ragam ni na mangolu di bagasan aek, bope sude ragam ni unggas. Jana denggan ma sudena i diida Debata.

PAMUNGKAAN 1:21 ပူးပေါင်းရင်းမြစ်များ

PAMUNGKAAN 1:18

mangarajai arian dohot borngin, bope laho manyirang na torang sian na golap. Jana denggan do sudena i diida Debata.

PAMUNGKAAN 1:20

Dung i mangkuling ma Debata, “Maringanan ma ragam-ragam ni angka na mangolu di aek i dohot angka unggas manggohi awang-awang i.”

PAMUNGKAAN 1:22

Dipasupasu Debata ma i sudena jana diparentahon Ia ma tu sude na mangolu di bagasan aek anso mamopari laho manggohi laut, jana tu angka unggas anso mur martamba bahat.

PAMUNGKAAN 1:25

Songon i ma panompa ni Debata di sasudena i jana denggan ma i diida Debata.

PAMUNGKAAN 1:31

Ditatap Debata ma sude na nitompaNia i jana sun ma dengganna sudena i diida Ia. Salpu ma borngin jana torang ma ari – i ma ari paonomkon.

PAMUNGKAAN 2:19

Jadi dibuat Ia ma tano jana ditompa Ia ma sude binatang na di darat dohot unggas na di awang-awang. Dung i dipasahat Ia ma i sudena tu jolma i anso diidasa sanga songon dia baenonna manggoari binatang-binatang i dohot angka unggas i. I ma mulana gabe margoar be angka binatang dohot angka unggas i.

PAMUNGKAAN 7:14

Laing masuk muse ma rap dohot halahi sude ragam ni binatang na jinak sanga na riar pe, na menek dohot na godang bope sude ragam ni unggas.

PAMUNGKAAN 8:17

Paruar ma sude unggas dohot binatang i, anso tarbaen halahi mamopari jana mamarpar di sude tano on.”

PAMUNGKAAN 8:19

Ruar ma sude binatang dohot unggas sian kapal i marsidongani horongna be.

PAMUNGKAAN 9:2

Mabiar ma mida hamu sandok binatang, unggas dohot ihan sude. Di toru ni kuasomunu ma i sude.

PAMUNGKAAN 9:7

Olo tutu, angkon maranak marpahompu ma hamu bahat-bahat, anso diingani pomparanmu tano on sude.”

JOB 12:7

Marsapa ma tu unggas dohot tu pahan-pahanan anso hamu dapotan pangajaran.

JOB 26:5

“Humitir be ma angka halak na di tanoman, aek pe disi dohot na manginganisa maradu marhitiran.

JOB 7:12

Biasi ma he au on angkon sai torus mataan jana jagoanMu? Adong he lakna naga padoha parmaraan au?

MASMUR 148:7

Puji ma Tuhan, o tano on dohot sude isina, o hamu angka naga laut dohot laut sinabidang;

HARURUAR 1:7

Anggo pomparan ni halahi, i ma angka halak Israel, maranak marpahompu bahat situtu, jana bilangan ni halahi pe mur martamba-tamba, pola sude luat i digohi halahi.

HARURUAR 8:3

Gok ma Batang aek Nil dohot tohuk, jabat marruaran binatang-binatang i sian aek i ro tu bagas godangmu, tu bilik dohot tu podomanmu, angka bagas ni menterimu dohot rayatmu, lalu dope tu inganan parmasahan ni roti dohot tu angka hudonmunu.

JEHESKIEL 32:2

“Ale anak ni jolma parsantongkinan, lehen ma hata na karas paingotkon raja ni Mesir. Palalu ma tonangKon tusia, ‘Dipasuman ho dirimu dohot singa jara-jara di tonga-tonga ni angka bangso, hape sumanan dope ho tu buaya na marrondam-rondam di bagasan aek. Dihorui jana dikotori patmi do sandok batang aek.

JUNUS 1:17

Jana di hatiha i diparo Tuhan ma sada ihan na godang mambondut si Junus. Jadi gabe tinggal ma si Junus di bagasan butuha ni ihan i tolu ari tolu borngin honokna.

JUNUS 2:10

Dung i, hara ni parenta ni Tuhan, diutahon ihan i ma si Junus tu darat.

MATEUS 12:40

Tolu ari tolu borngin Panurirang Junus di bagasan butuha ni ihan na godang i. Songon i muse ma Anak Ni Jolma i, di bagasan tano.