PAMUNGKAAN 1:16 - BIBEL JAMITA NA DENGGAN

¹⁶ Songon i ma ditompa Debata dua panyondang na godang, i ma mataniari na mangarajai arian, dohot bulan pangarajai ni borngin; laing ditompa Ia muse do dohot angka bintang.

PAMUNGKAAN 1:16 ပူးပေါင်းရင်းမြစ်များ

PAMUNGKAAN 1:15

marsinondang ma angka na torang i di langit laho manorangi tano” – gabe tarjadi ma songon i.

JOB 31:26

Na so jungada do au marsomba mataniari na sihar marsinondang sanga bulan na rumondang.

JOB 38:7

di na rap marendei angka bintang andostorang dohot angka na nijadihon di banua ginjang marsurak marmoga sonang?

MASMUR 148:3

Puji ma Ia, o mataniari dohot bulan, puji ma Ia, ale angka bintang na humirlap-hirlap.

MASMUR 148:5

Denggan ma sude halahi mamuji Tuhan, angka parentaNia do manjadihon i sudena.

MASMUR 19:6

Dibolus ia langit i sian ujung tu ujung, nada adong na onding sian milasna na manutung.

MASMUR 74:16

Ditompa Ho do arian dohot borngin, ditontuhon Ho do inganan ni bulan dohot mataniari.

MASMUR 8:3

Muda hutatap langit na nipauliMi, hupareso bulan dohot bintang na nitompaMi,

JESAYA 13:10

Ganop bintang dohot baris-baris ni bintang i mantak ma marsinondang, manggolap ma mataniari di habibincarna, jana bulan pe nada marsinondang be.

JESAYA 24:23

Manggolap ma bulan i jana mataniari nada be marsinondang, angke mamarenta noma Tuhan Na Markuaso i songon sada raja. Mamarenta ma Ia di Jerusalem, di ginjang ni Dolok Sion, jana idaon ni angka pamimpin ni bangso ma hamuliaonNia.

JESAYA 40:26

Tatap ma tu langit i, ise dehe na mambaen bintang? Diatur Ia do sudena i songon parangan, diboto Ia do sanga sadia sude bahat ni bilanganna, jana ganop be do i dipio Ia marguru tu goarna. Hara ni godangna kuasoNia, sada pe nada adong i na jabat mago so haidaan.

JESAYA 45:7

Au do manjadihon na torang dohot na golap, Au do parohon pasupasu dohot bura. Hum sasada Au sajo do Tuhan, sudena i madung Hupadalan.

JEREMIA 31:35

Dipasingkop Tuhan do mataniari laho manorangi arian; bulan dohot angka bintang laho manorangi borngin. Digaor Ia laut i anso marombak galumbangna, Tuhan Na Markuaso i, i ma da goarNa.

HABAKUK 3:11

Panyirlak ni angka anak ni siorMu maradu hipas, tombakna marsilo manyirlak-nyirlak, gabe so ma mataniari dohot bulan di ingananna.

MATEUS 24:29

“Nada sadia honok dung ro hasusaan di hatiha i, gabe golap ma mataniari, bulan i pe nada marsinondang be. Mardabuan ma angka bintang sian langit, marsursaran ma sude angka hagogoon na di parlangitan i.

MATEUS 27:45

Mamungka kotu, tolu jom honokna, golap ma sude luat i.

1 KORINTUS 15:41

Marasing do hajegeson ni mataniari sian hajegeson ni bulan. Salangkan angka bintang i pe paasing-asing be do hajegesonna.

PANGARATAION 4:19

Ulang jabat mardosa hamu hara ni na marsomba jana mangoloi tu sanga aha na niidamunu di langit, i ma mataniari, bulan dohot angka bintang. Dipadiar Tuhan Debatamunu do anggo angka bangso na asing manyomba angka i.

HALUMBAAN 21:23

Nada pola porlu sondangan ni mataniari sanga bulan kota i, angke sinondang ni Debata do manyondangisa jana Anak Ni Biri-biri i ma lampuna.