PAMUNGKAAN 1:14 - BIBEL JAMITA NA DENGGAN

¹⁴ Dung i mangkuling ma Debata, “Jadi ma angka na torang idaon di langit i manyirang arian sian borngin bope laho patandahon pamungkaan ni ari, taon dohot ari pesta ni ugamo;

PAMUNGKAAN 1:14 ပူးပေါင်းရင်းမြစ်များ

PAMUNGKAAN 1:13

Salpu ma borngin jana torang ma ari – i ma ari patoluhon.

PAMUNGKAAN 1:15

marsinondang ma angka na torang i di langit laho manorangi tano” – gabe tarjadi ma songon i.

PAMUNGKAAN 8:22

Salolot adong tano on, tongtong ma masa suanon dohot sabion, ari ngali dohot ari las, logo ni ari dohot nonat, arian dohot borngin.”

PAMUNGKAAN 9:13

gabe Hubaen ma di ombun i halibutongan. I ma tanda ni janjingKu dohot portibi on.

JOB 25:3

Taretong ma he lakna bahat ni surusuruan pangoloiNia? Adong ma he inganan na so hona dibaen sinondangNia?

JOB 25:5

Anggo di Debata, salangkan bulan pe nada adong torangna, dohot bintang pe rambon do dihilalaSa.

JOB 3:9

Ulang jabat tarida bintang sidongdong marsinondang, ulang paloas bincar mataniari marsinondang; padiar ma borngin i tading ngolngolan, painte ro ni ari dohot dipaimbaru pangaropan.

MASMUR 119:91

Sandok na adong saonnari, hara ni parentaMu do i adong, harana angka naposoMu do i sudena.

MASMUR 148:3

Puji ma Ia, o mataniari dohot bulan, puji ma Ia, ale angka bintang na humirlap-hirlap.

MASMUR 148:6

Ditontuhon Ia ingananna be ro di salolot ni lolotna, hot do hatontuan i dioloi halahi sude.

MASMUR 150:1

Puji ma Debata di bagasan bagasNia! Puji ma hagogoanNa di banua ginjang!

MASMUR 81:3

Ombus ma sarune di ari pestanta, di pesta bulan baru dohot bulan tula.

JESAYA 40:26

Tatap ma tu langit i, ise dehe na mambaen bintang? Diatur Ia do sudena i songon parangan, diboto Ia do sanga sadia sude bahat ni bilanganna, jana ganop be do i dipio Ia marguru tu goarna. Hara ni godangna kuasoNia, sada pe nada adong i na jabat mago so haidaan.

JEREMIA 10:2

Didok Ia do, “Ulang tiru hamu hasomalan ni angka bangso na leban, jana ulang gamang hamu mida angka tanda na di langit na nihabiaran ni angka bangso i.

JEREMIA 31:35

Dipasingkop Tuhan do mataniari laho manorangi arian; bulan dohot angka bintang laho manorangi borngin. Digaor Ia laut i anso marombak galumbangna, Tuhan Na Markuaso i, i ma da goarNa.

JEREMIA 33:20

“Madung Hupudun sada parjanjian dohot arian dohot borngin, anso tongtong ro di hatihana be arian dohot borngin; nada tarsoadahon be janji i.

JEREMIA 33:25

Tapi songon na Hubaen, Au Tuhan mambaensa, sada parjanjian na nipudun dohot arian dohot borngin, jana na mambaen aturan na manontuhon langit dohot tano,

JEHESKIEL 46:1

Didok Tuhan Debata i ma, “Angkon tongtong do martutup anggo pintu horbangan Habincaran laho tu alaman parbagasan salolot onom ari karejo. Hum di Ari Sabat dohot di Pesta Bulan Baru do na tola bukaon horbangan i.

JEHESKIEL 46:6

Di Pesta Bulan Baru angkon sada lombu jantan do baenon haulna, onom anak ni biri-biri dohot sada hambeng jantan, sudena i nada tola na martihas.

JOEL 2:10

Humutur do tano di na maju halahi, dohot langit pe humuntal do disi. Manggolap dohot bulan songon i mataniari, nada marsinondang dohot angka bintang i.

JOEL 3:15

Manggolap ma mataniari dohot bulan, jana angka bintang pe nada marsinondang be.”

AMOS 5:8

Tuhan do na mambaen angka bintang na di ginjang – bintang Poriama dohot bintang Sidongdong. Dipauba Ia do na golap gabe torang dohot arian gabe borngin. Aek na sian laut ditimba Ia tu darat i. Tuhan do na mambaen sudena i.

AMOS 8:9

Dapot do i hatihana baenonKu bonom mataniari jana manggolap tano on taran arian. Au Tuhan Debata madung mandok songon i.

MATEUS 2:2

Disapai halahi ma, “Di dia do Dakdanak na sorang i, i ma na gabe Raja ni halak Jahudi i? Na hami ida do bintangNa bincar di sabola Habincaran, jadi na giot marsomba tuSia do umbaen na ro hami.”

MATEUS 24:29

“Nada sadia honok dung ro hasusaan di hatiha i, gabe golap ma mataniari, bulan i pe nada marsinondang be. Mardabuan ma angka bintang sian langit, marsursaran ma sude angka hagogoon na di parlangitan i.

MARKUS 13:24

“Dung salpu hasusaan i, manggolap ma mataniari. Bulan i pe nada marsinondang be.

LUKAS 23:45

jana maribak ma tire na di Bagas Ni Debata, gabe bola dua.

PANGARATAION 4:19

Ulang jabat mardosa hamu hara ni na marsomba jana mangoloi tu sanga aha na niidamunu di langit, i ma mataniari, bulan dohot angka bintang. Dipadiar Tuhan Debatamunu do anggo angka bangso na asing manyomba angka i.

HALUMBAAN 6:12

Dung i huida ma dibuka Anak Ni Biri-biri i cap na paonomkon. Ro ma lalo na gogo situtu. Mangalomlom ma mataniari songon goni jana bulan pe gabe rara ma songon mudar.

HALUMBAAN 8:12

Dung i diombus surusuruan na paopatkon i ma sarunenia. Gabe hona ma sapartolu mataniari i, sapartolu bulan dohot sapartolu sian angka bintang gabe mago ma sapartolu gogo ni sinondang ni halahi. Laing songon i muse sapartolu sian arian dohot sapartolu sian borngin gabe manggolap situtu.

HALUMBAAN 9:2

Gabe diungkap bintang i ma rura ni hamatean i, gabe ruar ma sian bagasan songon timus ni purunan na godang. Gabe manggolap ma awang-awang i dohot mataniari dibaen timus na sian rura i.