OBAJA 1:5 - BIBEL JAMITA NA DENGGAN

⁵ Anggo panangko na ro borngin-borngin, hum por ni rohania do dibuat ia. Halak na mamutik anggur di kobunna, ditinggalkon ia do i deba. Tapi anggo ho, abis noma baenon ni angka musumu.

OBAJA 1:5 ပူးပေါင်းရင်းမြစ်များ

2 SAMUEL 1:19

“O Israel, di angka dolokmu, di adu marujung angka soridadu, anak ni raja marurus ma halahi songon bunga-bunga ni bangso!

JESAYA 14:12

O ale raja Babel, najolo bintang sidongdong na sumirlak do ho, hape saonnari ma pola madabu sian langit! Najolo ditaluhon ho do angka bangso, hape saonnari diompaskon ho tu tano.

JESAYA 17:6

Tarsongon zetun na abis diputik batuna, hum sada dua na tinggal di puncutna i jana adong sanga na piga di dangka na toruk-toruk, laing songon i ma di Israel, saotik sajo do halak na malua. Au, Tuhan, Debata ni Israel, madung mandokkon i.”

JESAYA 24:13

Songon i ma na giot masa di tano on sudena di ganop bangso. Laing sarupa ma pangalahona di masa ni panen, di na mambuat batu ni zetun lopus abis dohot batu ni anggur na parpudi diputik sian bonana.

JEREMIA 49:9

Muda mamutik anggur halak, sai adong do i na dipasisinia, jana muda ro panangko borngin-borngin, hum por ni rohania do dibuat ia.

JEREMIA 50:23

Sandok tano on maropuk dipotuk Babel. Saonnari madung maponggol potuk-potuk i! Tarsonggot ma sandok bangso umbege na tarjadi tu luat i.

JEREMIA 6:9

Songon on ma hata ni Tuhan Na Markuaso i, “Jomputi ma teba-teba ni halak Israel, songon na mamutiki parbatu ni anggur. Ulahi ma mamutiki songon na mamutik turiangna.”

ANDUNG 1:1

Na lungun ma da antong Jerusalem, kota na sun ribur najolo i. Najolo nagodangan do i di tonga-tonga ni angka bangso, hape saonnari songon na mabalu. Najolo kota na umbahat dipuji, hape saonnari madung halak mangarajai.

OBAJA 1:9

Mabiar be ma angka parporang na sian Teman, jana marmatean sude parangan ni Edom.”

MIKA 7:1

Marjaya ma au! Harana parngoluonku songon dompak papunguhon batu ni anggur di ari logo, songon dompak painte masa parbatu ni anggur, nada adong anggur na giot sipanganon, dohot parbatu ni ara na huhajopkon.

ZEPANYA 2:15

Songon i ma na masa i di kota na mangasahon hagogoonna i, jana na mangetong dirina sonang so haribo-riboan. Diambang halak kota i do kota ni halahi i ma na gumodang di sandok tano on. Santak lungun ni luat i, nada adong halak maringanan disi asing sian angka binatang harangan na marasari disi! Tarsonggot ma sanga ise na mamolus di kota i jana mabiar pangkilalaanna.

PANGARATAION 24:21

Muda paluhutkon suha ni kobun anggurmu, ulang be pareso paduanolihon; i ma bagian ni halak na asing; na so marama dohot na mabalu.

HALUMBAAN 18:10

Jana jongjong ma halahi sian na dao hara ni biar ni roha di parkancitan i, jana didok halahi ma, “Marjaya; marjaya ma kota na godang i – kota Babel na gogo! Di bagasan sajom do ro panguhumanmu!”