OBAJA 1:3 - BIBEL JAMITA NA DENGGAN

³ Maoto ma ho baenon ni rohamu na gutgut i. Benteng na togu do nian kota sabunganmu; ingananmu pe di puncu ni dolok na gincat do. Hara ni i gabe marpikir ma ho, ‘Ise ma he na bisa mandabuhon Au?’

OBAJA 1:3 ပူးပေါင်းရင်းမြစ်များ

PAMUNGKAAN 36:8

Jadi torus noma si Esau maringanan di luat Dolok Edom.

2 RAJA-RAJA 14:7

Di sada parporangan dibunu si Amasia do sampulu ribu parangan ni Edom di Rura Na Ancim, jana dibuat ia kota Sela jana digoari ia ma kota i gabe Jokteel. Lalu tu sadari on laing Jokteel do goar ni kota i.

2 JUJUR TAON 25:11

Dihabaranihon si Amasia ma dirinia jana dioban ia ma tentarania i tu Rura Na Ancim, marporang ma halahi disi jana dibunu halahi ma sampulu ribu halak parajurit ni Edom.

2 JUJUR TAON 25:12

Sampulu ribu nari ditangkup. Dioban ma halahi tu puncu ni dolok batu na di kota Sela lalu diambungkon tu lombang i lopus mate.

JOB 20:6

Haru pe na so tardok hagodanganna, jabat lalu tu langit dohot ombun ulunia,

PODA 16:18

Ginjang ni roha mambaen hasegoan; bulbul mambaen hasarsaran.

PODA 18:12

Muli madabu do halak na gakgak halak na toruk roha dapotan sangap.

PODA 29:23

Na laho madabu do siginjang roha sipasangapon do halak na toruk roha.

JESAYA 16:6

Didok bangso Juda ma, “Madung hami bege sanga songon dia ginjang ni roha ni Moab. Hami boto do na gakgak halahi jana na bunggal, hape hatana na teal i na so marisi bagi aha do i.”

JEREMIA 21:13

Satutuna gabe alomu ma Au, o kota na di ginjang ni rura, dolok batu di adaran; Au Tuhan mandok songon i, o hamu na mandok: Ise ma he na puluk ro tu hami jana ise ma he na puluk masuk tu inganannami?

JEREMIA 37:9

Au Tuhan Hupaingot hamu anso ulang paoto-oto hamu dirimunu marhite pikiran na mandok na so mulak be halak Babel i. Harana pasti do mulak halahi.

JEREMIA 48:28

Hamu halak Moab, tadingkon hamu ma angka kotamunu jana maringanan di angka dolok batu ma hamu songon unggas darapati na mambaen asarna di sapsap bire.

JEREMIA 49:16

Hona tipu ma ho baenon ni gakgakmu. Nada adong na mabiar mida ho songon na niambang ni rohamu. Maringanan di rigang ni batu ma ho, dao di puncut ni dolok an; tapi haru dibaen ho pe bagasmu di inganan na gincat situtu, sagincat ni asar ni unggas rajawali, paijuron ni Tuhan do ho sian i. Tuhan do mandokkon i sudena.”

JEREMIA 49:4

Biasi manggodang diri hamu ale angka na so bonar? Bia ma he dalanna pangasahononmunu gogomunu na dung murak i? Bia ma he umbaen na puluk hamu mandok, sahalak pe nada adong na barani mangaroro hamu?

JEHESKIEL 28:16

Lalap do ho marboniaga, jana i ma da na maroban ho tu jogal ni roha dohot dosa. Jadi gabe Hupaorot ho sian dolokKu Na Badia i, jana diayak surusuruan panjagomi ho sian tonga-tonga ni simata na marlinang-linang i.

MALEAKI 1:4

Sugari rupani didok halak Edom pomparan ni si Esau i, “Madung dironcohon angka hutanami, tapi bangunonnami ma i mangulahi,” jadi alusan ni Tuhan Na Markuaso i ma, “Haru pe dibangun halahi mangulahi, rumpakkononKu do i muse. Goaron ni halak ma halahi ‘Tano na durako’ dohot ‘Bangso na nimuruhan ni Tuhan sapanjangna.’ ”