NEHEMIA 9:37 - BIBEL JAMITA NA DENGGAN

³⁷ Sude suha na dapot sian tano on, angkon pasahaton do tu angka raja ni luat on. Ho do mangangkat angka na markuaso i di bangsoMu, gabe uhuman ni dosa ni rayat i maradopkon Ho. Marroha-roha mamarenta halahi, tu hami dohot tu pahan-pahanannami. Jadi gabe marhancit hami saonnari, gok na manyosak dohot na mangarsahi!”

NEHEMIA 9:37 ပူးပေါင်းရင်းမြစ်များ

ESRA 4:13

Anggo jabat do lalu sidung dipajongjong, indangkon na ra be halak na maringanan disi manggarar pajak. Jadi gabe murak ma pandapotan ni harajaan.

ESRA 6:8

Rap dohot on huparentahon ma hamu laho mangurupi halahi di bagasan pambangunan i songon on ma carana: Sude biaya ni pambangunan i angkon buaton sian suha ni pajak negara na di propinsi Efrat Hasundutan jana angkon gararon ma i tu halahi ulang dipalambat-lambat.

ESRA 7:24

Nada tola buatonmunu pajak sian angka malim, halak Levi, parende, panjago pintu horbangan, parkarejo, sanga sian ise sajo na adong hubunganna dohot Bagas Ni Tuhan.

NEHEMIA 5:8

jana hudok ma, “Sagogonami do hami baen manobus angka kahangginami halak Jahudi na tarpaksa manggadis dirina tu bangso na asing. Hape saonnari hamu muse noma mamaksa halahi manggadis dirina tu hamu, haru pe nian laing halak Jahudi do halahi!” Nada taralusi angka pamimpin i sangkababa hata pe.

ANDUNG 5:5

Songon dorbia, dipaksa hami karejo na borat, loja hami, hape nada tola maradian.

HAMALIMON 26:17

Au do alomunu, gabe ditaluhon hamu jana halak na mangkagigihon hamu, gabe mangkuasoi hamu. Gok biar ma hamu, gabe marlojong hamu haru so adong mangayak-ayak.

JOHANNES 8:33

Ninna halahi ma, “Pomparan ni si Abraham do hami. Nada jungada dope hami gabe hatoban ni sanga ise pe! Aha do maksudmu umbaen didok Ho, ‘Paluaon ma hamu?’ ”

PANGARATAION 28:33

Pambuatan ni halak sileban ma suha ni ladang na nikarejohonmunu maradu gogo, hape sanga aha pe nada dijagit ho asing ni na marpupu diparkanciti dohot pambaenan na kejam.

PANGARATAION 28:39

Suananmunu ma angka kobun anggur jana pature-tureonmunu ma i, hape nada adong putihonmunu parbatuna sanga inumonmunu aek ni anggurna, angke papanganan ni ulok-ulok do bona ni anggur i.

PANGARATAION 28:48

Hara ni i ma gabe angkon mangoloi ho tu angka musu na giot sitongoson ni Tuhan laho mangalo ho. Tangkuraparon, manguas jana marsaemara ma ho – hurangan di sasudena. Kejam baenon ni Tuhan manyosak ho lopus abis ho.

PANGARATAION 28:51

Pangabison ni halahi ma pahan-pahanan dohot suha ni ladangmunu. Saotik pe nada adong tadingkonon ni halahi sian gandum, aek ni anggur, miak zetun, lombu sanga hambengmunu lopus mate tangkuraparon ho.