NEHEMIA 9:28 - BIBEL JAMITA NA DENGGAN

²⁸ Tapi dung sonang mangulahi luatna i, manigor do halahi mardosai mangulahi. Gabe dipasahat ma mangulahi halahi, tu musu na mamisat i. Tapi di na sadar halahi jana manyosak situtu rohana gabe pio-pio tu Ho mangido dipalua. Ditangihon Ho do halahi sian banua ginjang; jana ditolong Ho marpupu, dibaen ibo do rohaMu mida halahi jana holong situtu.

NEHEMIA 9:28 ပူးပေါင်းရင်းမြစ်များ

1 RAJA-RAJA 8:39

sai tangihon ma di ingananMu na di banua ginjang sesa ma dosa ni halahi jana urupi halahi. Hum Ho do na umboto roha ni jolma. Hara ni i baen ma tu ganop halak na patut disia.

MASMUR 106:42

Jadi disosak musu i ma halahi, jana ditaluhon di toru ni kuasona.

MASMUR 136:24

Dipalua Ia hita sian tangan ni musunta, hot do holong ni rohaNia sapanjangna.

JESAYA 63:15

Ale Tuhan, tatap ma hami sian banua ginjang, sian ingananMu na badia jana marmulia. Di dia do pangiburuMu dohot hagogoonMu? Di dia do holong dohot ibo ni rohaMu? Di dia do diparrohahon Ho hami? Ulang ma nian manghohom Ho tu hami.

HAKIM-HAKIM 2:19

Tapi muda dung mate pamimpin i, jumorbut dope pangalaho ni bangso i sian sundut na di jolona. Mangoloi dohot marsomba tu angka debata na asing ma halahi. Diulahi halahi ma tu hasomalanna na jat jana nada ra halahi mangantaksa.

HAKIM-HAKIM 3:30

Di ari i, talu ma Moab maradopkon Israel. Jadi sonang ma luat i salapan pulu taon honokna.

HAKIM-HAKIM 4:1

Dung mate si Ehud, mardosa ma mangulahi bangso Israel tu Tuhan.

HAKIM-HAKIM 5:31

Sai mate ma nian angka musuMu, Tuhan, songon si Sisera, tapi sude donganMu sai magodang ma songon mataniari di angkasa. Dung i i sonang ma luat i opat pulu taon lolotna.