NEHEMIA 9:27 - BIBEL JAMITA NA DENGGAN

²⁷ Jadi gabe dipasahat Ho ma halahi tu musuna. Na mangarajai dohot mamisat halahi dohot hakejamonna. Tapi di na nidondonan ni hasusaan i, pio-pio ma halahi tu Ho mangido pangurupi. Sian banua ginjang Ho manangihonsa; mardongan holong ni roha na gok dilehen Ho alusna. Ditongos Ho pamimpin dohot na barani, na paluahon halahi sian na mamusui.

NEHEMIA 9:27 ပူးပေါင်းရင်းမြစ်များ

2 RAJA-RAJA 13:5

Jadi dilehen Tuhan ma sahalak pamimpin di halak Israel na paluahon halahi sian gomgoman ni Siria, lopus marsonang-sonang halahi mangulahi mangolu songon di mulana.

2 RAJA-RAJA 14:27

Nada giot agohonon ni Tuhan Israel salolot-lolotna, jadi hara ni i ditolong Tuhan ma halahi marhite Raja Jerobeam II.

2 RAJA-RAJA 17:20

Nada giot Tuhan be sude halak Israel. Diuhum Ia noma halahi jana dipasahat Ia tu angka musu ni halahi ma jungkat, jabat nada diparrohahon be halahi, tapi dibuang noma halahi sian tano na nilehenNia di halahi.

2 RAJA-RAJA 17:39

Burju ma oloi hamu Au, Tuhan Debatamu, anso Hupalua hamu sian angka musumunu.”

2 JUJUR TAON 36:17

Digorakkon Tuhan ma roha ni raja ni Babel anso mamorangi halahi. Dibunu raja i ma doli-doli ni halak Juda, dohot ma i na di bagasan Bagas Ni Debata. Sada halak pe nada adong na ibo rohania midasa, na matobang sanga na poso, halaklahi sanga dadaboru, na marnyae sanga na horas. Dipasahat Debata do halahi sudena tu raja ni Babel i.

NEHEMIA 9:19

Hape nada ditadingkon Ho halahi di gurun pasir i, dibaen na gok holong ni roha do Ho antong. Nada diumpat Ho tiang ombun dohot api mangulahi, na patudu dalan ni halahi arian dohot borngin ni ari.

MASMUR 136:24

Dipalua Ia hita sian tangan ni musunta, hot do holong ni rohaNia sapanjangna.

HAMALIMON 26:17

Au do alomunu, gabe ditaluhon hamu jana halak na mangkagigihon hamu, gabe mangkuasoi hamu. Gok biar ma hamu, gabe marlojong hamu haru so adong mangayak-ayak.

OBAJA 1:21

Porangan ni halahi ma rap dohot halak Jerusalem na asing i halak Edom jana taluhononna. Jadi Au Tuhan, mamarenta noma gabe raja.”

HAKIM-HAKIM 2:18

Muda dilehen Tuhan sada pamimpin di halak Israel, sai na ditolong Ia do i. Jana salolot mangolu pamimpin i, sai dipalua Tuhan do halahi sian angka musu ni halahi, dibaen ibo do rohaNia mida halahi muda dibege Ia halahi mangangguhi hara ni na diparkanciti jana dipapisat-pisat.