NEHEMIA 9:22 - BIBEL JAMITA NA DENGGAN

²² Dilehen Ho di halahi hamonangan maradopkon bahat bangso dohot harajaan, songon i maradopkon sandok luat, huta dohot tano na marbalokkon tano ni halahi sandiri. Hesbon tano ni Raja Sihon dirampas halahi; Basan tano ni Raja Og diingani halahi.

NEHEMIA 9:22 ပူးပေါင်းရင်းမြစ်များ

MASMUR 105:44

Dilehen Ia di halahi tano ni angka bangso, suha ni haloloja ni halak gabe bangsoNia do nampunasa,

MASMUR 78:65

Ngot ma Tuhan songon na tarsunggul modom, songon halak na gogo dung abis minum anggur.

JEREMIA 27:5

“Marhite hagodangan ni kuasongKu dohot hagogoanKu, madung Hutompa tano dohot jolma dohot sandok binatang jana tarlehen Au do i sanga na tu ise giotKu.

JEREMIA 32:23

Tapi di na ro halahi tu luat on lalu mangarampassa, nada marpangoloion halahi tu angka parentaMu, jana nada mangihutkon pangajaranMu parngoluon ni halahi; sude na niparentahonMu tu halahi sada pe nada adong didalankon halahi. Hara ni i, gabe diparo Ho ma sude parmaraan on tu halahi.

JEHESKIEL 20:28

Huoban ma halahi tu tano na dung Hujanjihon tu halahi. Di na niida ni halahi angka dolok na gincat dohot angka hayu na rumbun, dipelehon halahi ma haul tu sude hayu dohot dolok i. Dialap-alapi halahi ma anso muruk au marhite angka haul situtungon dohot pelean anggur ni halahi i.

PANGARATAION 1:4

Tulus ma i dung ditaluhon si Musa si Sihon raja ni halak Amori na mamarenta di kota Hesbon, dohot si Og raja ni Basan na mamarenta di kota Astarot dohot kota Edrei.

PANGARATAION 32:26

Sai giot pusaonKu do halahi sudena nian, anso ulang be adong tu halahi parningotan.

PANGARATAION 4:46

jana taran di rura na di Habincaran ni Batang aek Jordan, na patongtang dohot kota Bet-Peor. Si Sihon raja ni halak Amori humani do nampuna luat i, i ma na sanga mamarenta di kota Hesbon. Ditaluhon si Musa dohot bangso Israel ma ia di na haruar halahi sian Mesir.

PANGARATAION 4:47

Dibuat halahi ma tano ni Raja Sihon i, bope tano ni Raja Og na sian Basan, i ma raja ni halak Amori na asing na maringanan di Habincaran ni Batang aek Jordan.

JOSUA 10:11

Jadi taran na maporus i halak Amori sian jolo ni tentara Israel, didabuhon Tuhan ma ambolas na godang-godang sian langit tu ginjang ni halahi salolot di dalan i lalu tu Aseka. Umbahat dope na mate dibaen ambolas i sian na hona bunu ni halak Israel.

JOSUA 11:23

Dirampas si Josua ma sude luat i songon na dung diparentahon ni Tuhan tu si Musa. Dung i dilehen ia ma luat i jana dibagi-bagihon tu bangso Israel gabe halahi puna; sabagian be ma ganop marga. Mantak muse ma bangso Israel na marporang i.