NEHEMIA 9:20 - BIBEL JAMITA NA DENGGAN

²⁰ Marhite kuasoMu na denggan i, diajar Ho do halahi. Mangan manna halahi jana minum aek tuk disi.

NEHEMIA 9:20 ပူးပေါင်းရင်းမြစ်များ

NEHEMIA 9:30

Sian taon tu taon sai sobar Ho paingotkonsa; marhite panurirang, didok TondiMu tu halahi. Hapengani ditutup bangsoMi do pinggolna, lalu dipasahat Ho ma tu angka bangso sude tanona.

MASMUR 105:41

Dibola Ia dolok batu gabe mamincar aek, mardalan di parhorsihan songon batang aek.

MASMUR 143:10

Ajari ma au patuluskon hagiot ni rohaMu angke Ho do Debatangku. Sai ditogu TondiMu na burju i ma au di dalan na hornop.

HARURUAR 16:15

Di na diida ni halak Israel i, nada diboto halahi sanga aha i, jana marsisapaan ma halahi sama halahi, “Aha do i?” Dung i didok si Musa ma tu halahi, “On ma da roti sipanganon na nilehen ni Tuhan di hamu.

HARURUAR 16:35

Manna i ma gabe panganon ni halak Israel, opat pulu taon honokna, lopus bolkas halahi tu Kanaan, inganan na hot di halahi. (

HARURUAR 16:4

Didok Tuhan ma, “Giot paroonKu ma saonnari sipanganon marlobi-lobi songon udan di hamu sudena. Ganop ari angkon papunguonmunu do sipanganon tuk balanjo sadari. Songon i ma baenonKu manguji bangsongKu anso tarboto sanga na ra do halahi mangoloi angka na Huparentahon.

HARURUAR 17:3

Tapi sun do nguas ni angka jolma i jana sai torus do halahi marungut-ungut tu si Musa. Ninna halahi ma, “Biasi dioban ho hami haruar sian Mesir? Giot padiaronmu ma hami, dohot angka dakdanaknami maradu pahan-pahanannami mate manguas?”

HARURUAR 17:6

Jongjong pe Au di jolomu di sada batu di Dolok Sinai. Lipat ma batu i, gabe haruar ma aek sian batu i, anso minum halahi.” Dibaen si Musa ma songon i disaksihon angka pamimpin ni Israel i.

JESAYA 48:21

Nada manguas halahi, hatiha ditogu Ia halahi mamolus inganan na gariang. Diharuarkon Ia aek sian dolok batu di halahi. Dibola Ia dolok batu, gabe mamincar ma aek.

JESAYA 49:10

Nada malean halahi sanga manguas, alogo na milas dohot mataniari na mamilngas pe nada hona tu halahi, Au na manghaholongi halahi, sai mandongani, jana tu angka mual na gok aek toguonKu halahi.

HAGAI 2:5

Di na haruar hamu sian Mesir, na dung Hujanjihon do sai ondihononKu hamu. Jana saonnari pe Huondihon do hamu. Jadi ulang pola mabiar hamu.

BILANGAN 11:17

Mijur pe Au jana manghatai dohot ho di inganan i, buatonKu ma saotik Tondi na Hulehen di ho anso Hulehen di halahi. Dung i tarbaen ma halahi mangurupi ho martanggung jawab hara ni bangso i, gabe nada hum ho sandiri be mamorsan i.

JOHANNES 4:10

Dialusi Jesus ma, “Sugari ma diboto ho silehen-lehen ni Debata jana ditanda ho na mangido minum sian ho, gabe ho sandiri noma mangido sian Ia, jana lehenonNia ma di ho aek na mangolu.”

JOHANNES 4:14

tapi anggo halak na manginum aek na giot lehenonKi disia, nada manguas be ia salolot-lolotna. Angke anggo aek na giot lehenonKi angkon gabe sada mata mual na marbuldak-buldak do i di dirinia jana mangalehen hangoluan na so mantak.”

SURAT NI SI PAULUS TU PARLAGUTAN ROM 15:30

Hara ni Tuhanta Jesus Kristus dohot hara ni holong ni roha na nilehen ni Tondi i, gomos ma hupangido tu hamu angka dongan, anso dohot ma nian hamu marsitutu martangiang rap dohot au tu Debata taringot tu au.

1 KORINTUS 10:3

Rap sipanganon partondion do dipangan halahi,

EPESUS 5:9

Angke sian na torang i do haroroan ni sasude ragam ni parange na denggan jana na bonar di panatapan ni Debata.

JOSUA 5:12

Laing di na sadari i ma nada mangan manna be halak Israel, dibaen nada adong be dipaijur sian langit. Jana mamungka sian hatiha i, hasil ni tano Kanaan noma dipangan halahi.

2 PETRUS 1:21

Angke nada adong halak na tarbaen paboahon barita na sian Debata taringot tu angka na giot tarjadi saulahon, anggo sian dirina sandiri. Tondi Parbadia sandiri do na mangajari halahi paboahon barita na sian Debata i.