NEHEMIA 8:7 - BIBEL JAMITA NA DENGGAN

⁷ Dung salpu i jongjong ma halahi di ingananna be, lalu adong ma sanga na piga halak Levi na patorangkon Uhum i tu halahi, i ma si Jesua, si Bani, si Serebya, si Jamin, si Akub, si Sabetai, si Hodia, si Maaseya, si Kelita, si Asarya, si Josabad, si Hanan dohot si Pelaya.

NEHEMIA 8:7 ပူးပေါင်းရင်းမြစ်များ

1 RAJA-RAJA 8:14

Dompak marjongjongan dope angka jolma i disi, humusor ma si Salomo adop halahi giot mangido pasupasu sian Debata.

2 JUJUR TAON 30:22

Malo-malo do antong angka halak Levi i mamimpin ibadat tu Tuhan, jabat do dipuji si Hiskia halahi. Dung adong pitu ari lolotna halahi na manghaulkon haul i dohot na mandok tarimakasi i tu Tuhan, Debata ni ompu ni halahi,

2 JUJUR TAON 35:3

Laing dilehen si Josia ma parenta tu angka halak Levi na dung dihapunjungkon tu Tuhan, dohot na gabe guru-guru ni Israel. Didok ia ma, “Baen hamu ma Poti Parjanjian ni Tuhan na badia i di bagasan Bagas Ni Tuhan na nipajongjong ni Raja Salomo anak ni si Daud i. Ulang pola be paimbar-imbar hamunu i. Oloi hamu ma Tuhan Debatamunu i dohot halak Israel bangsoNa i.

ESRA 8:18

Hara ni denggan ni roha ni Debata, disuruhon halahi ma tu hami si Serebia, sada halak Levi na pistar na sian horong Mahli. Laing ro do rap dohot ia angka dakdanak dohot angka kahangginia salapan bolas halak bahatna.

NEHEMIA 10:2

Angka malim: Si Seraya, si Asarya, si Jeremia, si Pasur, si Amarya, si Malkia, si Hatus, si Sebanya, si Maluk, si Harim, si Meremot, si Obaja, si Daniel, si Gineton, si Baruk, si Mesulam, si Abia, si Miyamin, si Maaseya, si Bilgai, dohot si Semaya.

NEHEMIA 11:19

Angka sijago pintu horbangan: Si Akub, si Talmon dohot angka kahanggi ni halahi. Pungu sude 172 halak.

NEHEMIA 12:33

Ihut ma angka malim na nipajojor dison mardalan di pudi ni halahi lalu mangombus sarune: Si Asarya, si Esra, si Mesulam, si Juda, si Benyamin, si Semaya dohot si Jeremia. Ihut ma muse mardalan si Zakaria anak ni si Jonatan jana pahompu ni si Semaya. Deba sian ompu na umpompar ia, i ma si Matania, si Mika, si Zakur dohot horong ni si Asap.

NEHEMIA 3:17

Deba nari sian tembok i dohot do halak Levi paudutkon, songon on ma parjojorna: Si Rehum anak ni si Bani. Si Hasabaya, parkuaso ni satonga distrik Kehila. Bagian ni tembok na masuk tu distriknia sandiri. Si Binui anak ni si Henadad, parkuaso ni satonga Distrik Kehila. Si Eser anak ni si Jesua parkuaso ni Mispa: Tembok na sian suhi ni dalan na di jolo ni gudang sinjata. Si Barukh anak ni si Zabai: Tembok na sian suhi ni dalan na sian pintu ni bagas ni Elyasib lopus tu ujung ni bagas i. Si Meremot anak ni si Uria jana pahompu ni Hakos: Bagian ni tembok na sian pintu ni bagas ni si Elyasib lopus tu ujung ni bagas i.

NEHEMIA 8:12

Jadi marmulahan ma rayat i sudena laho mangan dohot minum lalu mambagi-bagihon panganon tu angka donganna na asing. Marjop ni roha ma halahi hara ni na dung mangarti di astuan ni na disise na nibege ni halahi i.

NEHEMIA 8:4

Jongjong ma si Esra di podium hayu na dibaen sipakeon di parlagutan i. Di siamunnia jongjong ma angka si Matica, si Sema, si Anaya, si Uria, si Hilkia dohot si Maaseya; jana di siambirangnia jongjong ma si Pedaya, si Misael, si Malkia, si Hasum, si Hasbadana, si Zakaria dohot si Mesulam.

NEHEMIA 8:6

Didok si Esra ma, “Puji hamu ma Tuhan, Debata Na Bolon i!” Sude ma rayat i mangangkat tanganna tu ginjang jana didok halahi ma, “Amen, amen!” Dung i manungkap ma halahi marsomba Debata.

NEHEMIA 8:8

Diterjemahkon halahi ma Tona Ni Debata i jana dipatorang halahi anso laing mangarti rayat i di na disise i.

NEHEMIA 9:3

Hira-hira tolu jom lolotna disise ma tu halahi buku Tona Ni Tuhan, Debata ni halahi jana tolu jom nari halahi mangoku angka dosa ni halahi. Dung salpu i manungkap ma halahi jana marsomba Tuhan, Debata ni halahi.

NEHEMIA 9:4

Adong do dibaen disi podium baen di angka halak Levi jana jongjong ma di ginjangna i si Jesua, si Bani, si Kadmiel, si Banya, si Buni, si Serebya, si Bani dohot si Kenani. Martangiang ma halahi marsora na gogo tu Tuhan Debata ni halahi.

HAMALIMON 10:11

Sude tona na dung Hulehen di ho marhite si Musa, angkon ajarkononmu tu bangso Israel.”

MALEAKI 2:7

Harana pamangan ni angka malim manjagohon parbinotoan jana dijalahi halak do pangajaran sian pamanganna, harana i do suruan ni Tuhan Na Markuaso.

PANGARATAION 33:10

Diajari halahi do bangsoMu mangoloi UhumMu; dibaen halahi do haul di langgatanMu.