NEHEMIA 6:1 - BIBEL JAMITA NA DENGGAN

¹ Tarbege ma tu si Sanbalat, si Tobia, si Gesem halak Arab i dohot angka musunami na asing i na dung sidung hami padenggankon tembok i jana na dung martutup sude lubangna i, haru pe na so hami pasang dope di hatiha i angka bulung ni pintuna di angka pintu horbangan ni kota i.

NEHEMIA 6:1 ပူးပေါင်းရင်းမြစ်များ

NEHEMIA 13:4

Painte so i, denggan do pardonganan ni si Elyasib na markarejo mangawasi angka kamar simpanan na di Bagas Ni Tuhan, tu si Tobia.

NEHEMIA 2:10

Tapi di na tarbege tu si Sanbalat halak Bet-Horon i dohot tu si Tobia halak Amon i bahaso na dung ro au i ma taringot tu haporluan ni bangso Israel, gabe lebak sajo ma dihilala halahi.

NEHEMIA 2:19

Di na tarboto sangkapnami i tu si Sanbalat, si Tobia dohot si Gesem halak Arab i, dipartatai halahi ma hami mangincahi hami. Didok halahi ma, “Aha dehe na giot baenonmunu? Na giot mangalo dehe hamu tu raja?”

NEHEMIA 3:1

Jana markobas ma Malim Godang Elyasib dohot angka malim, hahaangginia. Dibangun halahi ma muse Pintu Horbangan Biri-biri, mamasang angka pintuna dohot manghapunjungkonsa di Tuhan. Dipadenggan halahi ma tembok i jana dihapunjungkon lopus tu Palas-palas Saratus dohot tu Palas-palas Hananeel.

NEHEMIA 3:3

Horong ni si Senaa: Pintu Horbangan Ihan dohot angka balok, angka pintu, angka baut dohot angka palangna.

NEHEMIA 3:6

Si Joyada anak ni si Paseah dohot si Mesulam anak ni si Besoya: Pintu Horbangan Jesana dohot angka balok, angka pintu, angka baut dohot angka palangna.

NEHEMIA 4:1

Di na nibege ni si Sanbalat na padenggankon tembok ni kota hami, halak Jahudi, gabe biraraon ma ia muruk jana dipungka ia ma mangincahi hami.

NEHEMIA 7:1

Dung sidung tembok i dibangun, husuru ma anso dipasang angka pintuna i. Jadi husuru ma angka panjago pintu horbangan, angka parende dohot angka halak Levi marsikarejohon karejona be.

DANIEL 9:25

Boto jana astui ma on: Salpu ma pitu noli pitu pulu taon, mamungka sian na diparuar parenta laho mambangun Jerusalem mangulahi lopus tu haroro ni sada pamimpin na nitodo ni Debata. Pitu noli onom pulu dua taon honokna paulion ma mangulahi angka dalan dohot angka tembok ni Jerusalem, tapi gok hamaolon do hatiha i.