NEHEMIA 5:9 - BIBEL JAMITA NA DENGGAN

⁹ Jadi hudok muse ma, “Nada denggan parbuatanmunu i! Angkon mabiar hamu nian sugari tu Debata di ngolumunu. Sugari songon i ma baenonmunu anso ulang dilehen hamu dalan di musunta na so martuhan i laho palayaskon hita.

NEHEMIA 5:9 ပူးပေါင်းရင်းမြစ်များ

PAMUNGKAAN 20:11

Dialusi si Abraham ma, “Na huambang do na so adong na mabiar mida Debata dison, jana ning rohangku bunuon ni halak na dison ma au laho mambuat dongan saripengki.

PAMUNGKAAN 42:18

Di ari patoluhon didok si Josep ma tu halahi, “Na burju do au mangoloi Debata, jana paluaonku do hosamunu dohot sada sarat.

2 SAMUEL 12:14

Tapi dibaen madung sanga layas Tuhan dibaen raja i hara ni pangalaho i, gabe mate do anak ni raja na sorang i.”

NEHEMIA 4:4

Jadi gabe martangiang ma au, “Ale Debata, tangihon ma sanga bia hami dipalayas. Tu ginjang ni ulu ni halahi sandiri ma timpalkon halayason i. Sugari hona rampas ma nian sude sinadongan ni halahi i jana hona oban nian halahi gabe taban tu tano na asing.

NEHEMIA 5:10

Au sandiri angka kahanggingku dohot angka donganku, hami painjamkon do hepeng dohot gandum tu rayat i. Ulang be tapangido i mulak.

NEHEMIA 5:15

Anggo angka gubernur painte so au, na gabe boban do di rayat harana dituntut halahi do opat pulu hepeng perak sadari biaya ni sipanganon dohot anggur. Salang angka hatoban ni halahi pe antong dohot do mamisat rayat i. Tapi anggo au nada hubaen na songon i dibaen mabiar do au mida Debata.

MASMUR 90:11

Ise unjung manghilalahon hasogenon ni rimasMu? Ise umboto akibat ni murukMu?

PODA 16:29

Halak na kejam manipu donganna, jana mangago ale-alena.

PODA 17:26

Nada tola mandando halak na tigor, jana nada patut mamotuk halak na sangap.

PODA 18:5

Nada denggan marpihak tu halak na so hasaya jana manahan hatigoran sian halak na so marsala.

PODA 19:2

Nada denggan mangaringgas iba mangkarejohon na so binoto, halak na mopop gabe dapotan hamaolon do.

PODA 24:23

Unjung do didok angka halak na bisuk songon on: Panguhum nada tola borat sabola.

JEHESKIEL 36:20

Sanga tu dia pe halahi kehe, sai dipahodar halahi do goarKu na badia i. Angke didok angka jolma do songon on, ‘Bangso Ni Tuhan do nian bangso on, hape angkon tadingkonon ni halahi do tano na nilehen ni Debata tu halahi.’

HAMALIMON 25:36

Ulang mangido bunga ni hepeng sian hepeng na nipainjamkonmu tu halak i, tapi angkon habiari hamu ma Debata, jana padiar ma halahi mangolu rap dohot hamu. Ulang muse mambuat labo ho sian sipanganon na nigadismu disia.

BAENON NI ANGKA RASUL 9:31

Jadi sonang ma angka parlagutan na di Judea, na di Galilea dohot na di Samaria. Boti hara ni pangurupi ni Tondi Parbadia gabe mur martamba ma angka parlagutan i, angke sai mabiar do halahi tu Tuhan di ngolu ni halahi.

SURAT NI SI PAULUS TU PARLAGUTAN ROM 2:24

Songon na tarsurat, “Hara ni hamu do umbaen na marlayas goar ni Debata di tonga-tonga ni angka bangso na asing.”

1 TIMOTEUS 5:14

Hara ni i ma dibaen na dumenggan hudok marbagas mangulahi angka na mabalu na poso dope. Denggan ma i mardakdanak halahi dohot na mangurus rumahtanggana anso ulang adong tarbaen angka musunta i dalan pajatjat-jatjatkon goarta.

TITUS 2:5

anso malo mangarajai dirina, anso ias dohot anso gabe ina na denggan di rumahtanggana na mangoloi tu halaklahina. Jadi muda songon i, nada tarincahi halak be jamita na sian Debata.

1 PETRUS 2:12

Angkon denggan do pangalahomunu di tonga-tonga ni angka halak na so porsaya tu Kristus, jadi haru pe diincahi halahi hamu songon halak na jahat, gabe idaon ni halahi ma angka pambaenanmunu na denggan i, jana gabe pujion ni halahi ma Debata di haroro ni Debata tu portibi on.

1 SAMUEL 2:24

Ulang be baen hamu songon i, ale dakdanakku. Majatjattu do na hubege dihatahon bangso ni Tuhan i salaho tu hamu!