NEHEMIA 2:19 - BIBEL JAMITA NA DENGGAN

¹⁹ Di na tarboto sangkapnami i tu si Sanbalat, si Tobia dohot si Gesem halak Arab i, dipartatai halahi ma hami mangincahi hami. Didok halahi ma, “Aha dehe na giot baenonmunu? Na giot mangalo dehe hamu tu raja?”

NEHEMIA 2:19 ပူးပေါင်းရင်းမြစ်များ

NEHEMIA 13:28

Anak ni Malim Godang Elyasib do si Joyada, tapi sada sian anak ni si Joyada gabe hela ni si Sanbalat na sian kota Bet-Horon i. Jadi hara ni i gabe huusir si Joyada sian Jerusalem.

NEHEMIA 2:10

Tapi di na tarbege tu si Sanbalat halak Bet-Horon i dohot tu si Tobia halak Amon i bahaso na dung ro au i ma taringot tu haporluan ni bangso Israel, gabe lebak sajo ma dihilala halahi.

NEHEMIA 4:1

Di na nibege ni si Sanbalat na padenggankon tembok ni kota hami, halak Jahudi, gabe biraraon ma ia muruk jana dipungka ia ma mangincahi hami.

NEHEMIA 6:6

isina songon on: “Dipaboa si Gesem tu au na adong barita-barita di tonga-tonga ni angka bangso na humaliang on na mandok bahaso na giot mambaen pamberontakan ho dohot sude halak Jahudi, jana hara ni i do umbaen na dipadenggan ho tembok i. Didok ia dope, bahaso na giot angkatonmu sandiri ho gabe raja ni Juda,

NEHEMIA 6:9

Na mancubo mambiar-biari hami ma halahi anso hami antak karejo i. Martangiang ma au, “Ale Debatangku, pargogoi ma au!”

JOB 30:1

Hape saonnari siincahan ni halak na umposo noma iba. Na jolo i ummolat do huida bile ni simatobangna baen panjago biri-biri mardongan anjing parmahan.

MASMUR 123:4

Tuk ma bahatna incak ni halak na kayo tu hami dohot incak-incak sian halak na jungkat roha i.

MASMUR 79:4

Gabe siincahan ni angka bangso na hombar hami, dipartatai jana diincahi halahi do hami.

MASMUR 80:6

Dibaen Ho di tanonami gabe boncir ni partangkangan ni angka bangso na hombar, jana dipartatai angka musu hami.

MASMUR 80:7

Ale Debata Na Markuaso pasuang hami; tatap ma hami hara ni habasaonMi, jadi gabe malua ma hami.

JESAYA 36:5

Na diambang ho do lakna tarbaen hata-hata sajo manggontihon siasat dohot gogo ni tentara? Ise do na nipangasahonmu umbaen na puluk ho mangalo Asur?

JEREMIA 20:8

Ganop mangkuling au, marsurak au sagogongku, “Hakejamon! Parmaraan!” Dipacia-cia jana dipalayas do au, Tuhan, ari-ari, hara ni na palaluhon tonaMi.

JEREMIA 41:10

Dung i ditangkup si Ismael ma angka boru ni raja i dohot sude halak na adong dope di Mispa i ma angka na nipasahat ni si Nebusaradan tu si Gedalya sijagoonnia. Ditangkup ia ma halahi lalu kehe ma ia rap dohot halahi tu sabola Luat Amon.

MATEUS 9:24

didok Ia ma, “Ruar ma jolo hamu sude! Inda na mate dakdanak on. Na modom do i.” Dipartatai halahi ma Jesus.

MARKUS 5:40

Dipartatai halahi ma Jesus. Jadi disuru Jesus ma halahi haruar sude. Dipiohon Jesus ma simatobang ni dakdanak i dohot anak siseanNia na tolu halak i anso masuk tu bilik ni dakdanak i.

LUKAS 23:2

Dipungka halahi ma disi mangaduhon Ia. Didok halahi ma, “Madung tardapot hami bayo on palilu-liluhon halak. Jana diirangi-irangi Ia do halak anso ulang manggarar pajak tu Kesar; harana pandokNia, Kristus do Ia, sada halak Raja.”

JOHANNES 19:12

Dung dibege si Latus na songon i mur diakalkon ia ma palua Jesus. Tapi marsurak-surak ma halak Jahudi i, “Muda dipalua tuan i do i, na so dongan ni Kesar do tuan i! Sanga ise na mandok diriNa raja, alo ni Kesar do i!”

BAENON NI ANGKA RASUL 24:5

Na tardapot hami do bayo on mambaen gaor. Sanga na di dia tongtong manggaori ia tu halak Jahudi, jana ia do pamimpin ni golongan Nasrani.

IBRANI 11:36

Adong ma deba na niincahan, na diparkanciti, dirante jana dipamasuk tu hurungan.