NEHEMIA 2:18 - BIBEL JAMITA NA DENGGAN

¹⁸ Lalu hucaritohon ma tu halahi sanga na bia dibaen Debata mangurupi au dohot na nidok ni raja i tu au. Dialusi halahi ma, “Tole ma da tapungka mambangun!” Lalu marhobas-hobas ma halahi laho mangkarejohon.

NEHEMIA 2:18 ပူးပေါင်းရင်းမြစ်များ

2 SAMUEL 2:7

Sai gabe angka jolma na gogo-gogo ma hamu jana na togap mangalo. Madung marujung ngolu ni si Saul rajamunu i, jana madung dimiahi halak Juda au gabe raja ni halahi.”

1 JUJUR TAON 11:10

Angka on ma perwira ni si Daud na tarbonggal. Madung marporang halahi rap dohot rayat ni Israel anso gabe raja si Daud hombar tu na nijanjihon ni Tuhan. Jana dijuljulkon halahi do si Daud di na mamarenta i.

1 JUJUR TAON 19:13

Pos ma rohamu! Tapuntial ma gogonta na marporang on hara ni bangsonta dohot haporluan ni angka kota ni Debatanta. Sai dipatulus Tuhan ma nian sanga aha giotNia.”

2 JUJUR TAON 32:5

Jadi dipatogu raja i ma partahanan ni kota i marhite na padenggankon tembokna, pajongjongkon angka palas-palas dohot na mambangun tembok parruar. Tamba ni i dipadenggan ia dope benteng na dipajongjong di ginjang ni tano timbunan na di sabola Habincaran ni kota na lolot na di Jerusalem. Laing disuru ia dope paulion bahat sajo tombak dohot parince.

ESRA 6:22

Pitu ari lolotna halahi marjop ni roha mamestahon Pesta Ni Roti Na So Marragi i. I noma jop ni roha ni halahi hara ni na nibaen ni Tuhan marburju ni roha raja ni Asur tu halahi gabe diurupi halahi di bagasan karejo na mambangun mangulahi Bagas Ni Tuhan, Debata ni Israel i.

NEHEMIA 2:8

Tamba ni i, laing hupangido dope surat tu si Asap panjago ni harangan harajaan, anso dipasingkop ia hayu sibaenon tu pintu horbangan ni benteng na manjagohon Bagas Ni Tuhan, dohot sipakeon di tembok ni kota dohot bagas na giot ingananku. Dioloi raja i do sude pangidoanki, dibaen ditolong Debata do au.

EPESUS 6:10

Ujungna, sai margogo ma hamu markite-hite gogo na nijagitmunu sian kuaso ni Tuhan, angke madung sada hamu dohot Tuhan i.

PILIPPI 2:13

angke Debata sandiri do na markarejo di bagasan dirimunu, na mambaen hamu gabe ra jana sanggup pasonangkon roha ni Debata.

1 SAMUEL 23:16

Didapotkon si Jonatan ma ia tusi laho patoguhon haporsayaannia bahaso sai na ondihonon ni Debata do ia.