NEHEMIA 13:9 - BIBEL JAMITA NA DENGGAN

⁹ Dung i husuru ma anso dibaen upacara marpangir paiaskon angka kamar i. Dung i pe anso hupaulak tusi sude angka haul gandum dohot hamonyan dohot angka alat-alat ni Bagas Ni Tuhan.

NEHEMIA 13:9 ပူးပေါင်းရင်းမြစ်များ

2 JUJUR TAON 29:5

jana manghobari ma ia tu halahi disi. Didok ia ma, “Hamu angka halak Levi, angkon manghapunjungkon diri do hamu tu Tuhan, jana paiaskonmunu Bagas Ni Tuhan, Debata ni ompumunu i. Angkon paoroton do sude na pahodarkon bagas i.

NEHEMIA 10:37

Obanonnami ma tu angka malim di Bagas Ni Tuhan adonan na sian gandum na parjolo disabi ganop taon, songon i muse angka haul na asing songon anggur, miak zetun dohot ragam-ragam ni parbatu ni suan-suanan. Obanonnami ma haul parsampuluan sian suha ni ladangnami tu angka halak Levi na palagut angka haul parsampuluan di hutanami be.

NEHEMIA 12:45

dibaen halahi do antong na mandalankon upacara haiason dohot angka upacara na asing na dung diparentahon ni Debata. Angka parmusik pe dohot angka panjago horbangan ni Bagas Ni Tuhan marsikarejohon karejona be do, hombar tu aturan na nibaen ni Raja Daud dohot anakna si Salomo.

JEHESKIEL 40:38

Di alaman parruar i adong do sada kamar tamba-tamba di horbangan parbagasan sabola Utara. Sian kamar tamba-tamba i adong ma sada pintu tu bilik na lapang i. Disi ma dibasu angka pahan-pahanan na giot sibaenon haul situtungon.