NEHEMIA 13:5 - BIBEL JAMITA NA DENGGAN

⁵ Dilehen si Elyasib tu si Tobia sada kamar na godang. Anggo satutuna nian sipakeon na mardohonan do kamar i, i ma panyimpanan ni haul gandum, hamonyan, angka alat-alat sipakeon di Bagas Ni Tuhan, haul na di malim, parsampuluan ni gandum, anggur, miak zetun sibagi-bagihononkon tu angka halak Levi, angka parmusik dohot sijago horbangan ni Bagas Ni Tuhan.

NEHEMIA 13:5 ပူးပေါင်းရင်းမြစ်များ

2 JUJUR TAON 31:11

Dung diparentahon raja i, dihobasi halahi ma angka gudang na humaliang Bagas Ni Tuhan i

2 JUJUR TAON 34:11

tu angka tukang hayu dohot tukang bangunan sitobuskonon tu batu dohot hayu laho padenggankon angka bangunan na dipadiar-diar ni angka raja ni Juda i marsegoan.

NEHEMIA 10:36

Obanonnami ma anaknami siangkaan tu angka malim di Bagas Ni Tuhan laho pasahatkonsa tu Debata, songon na diaturkon ni Uhum. Laing pasahatonnami ma anak ni lombu, anak ni biri-biri sanga anak ni hambengnami na parjolo sorang.

NEHEMIA 10:37

Obanonnami ma tu angka malim di Bagas Ni Tuhan adonan na sian gandum na parjolo disabi ganop taon, songon i muse angka haul na asing songon anggur, miak zetun dohot ragam-ragam ni parbatu ni suan-suanan. Obanonnami ma haul parsampuluan sian suha ni ladangnami tu angka halak Levi na palagut angka haul parsampuluan di hutanami be.

NEHEMIA 10:38

Tapi angkon donganan ni malim na sian pomparan ni si Harun do angka halak Levi i muda palagutkon angka haul i halahi. Jana angkon obanon ni angka halak Levi i do saparsampulu ni sude haul i tu angka kamar talobat na di Bagas Ni Tuhan.

NEHEMIA 12:44

Ditugaskon do di hatiha i sanga na piga halak mangawasi angka kamar simpanan inganan ni angka sumbangan tu Bagas Ni Tuhan, masuk ma disi haul parsampuluan dohot gandum maradu parbatu ni suan-suanan na parjolo malamun ganop taon. Angkon palaguton ni angka pangawas i do sumbangan-sumbangan i sian angka ladang na di humaliang ni angka kota. Dipasahat ma sumbangan i tu angka malim dohot angka halak Levi, hombar tu aturan ni Uhum. Diargahon halak Juda do angka malim i dohot halak Levi,

NEHEMIA 13:7

mulak mangulahi tu Jerusalem. Disi lalu au di Jerusalem, tarsonggot ma au dung huboto na dilehen si Elyasib tu si Tobia sada kamar na di Bagas Ni Tuhan i.

JEHESKIEL 40:38

Di alaman parruar i adong do sada kamar tamba-tamba di horbangan parbagasan sabola Utara. Sian kamar tamba-tamba i adong ma sada pintu tu bilik na lapang i. Disi ma dibasu angka pahan-pahanan na giot sibaenon haul situtungon.