NEHEMIA 12:36 - BIBEL JAMITA NA DENGGAN

³⁶ Mardalan ma di pudinia angka na sian horongnia, i ma; si Semaya, si Asareel, si Milalai, si Gilalai, si Maai, si Netaneel, si Juda dohot si Hanani. Maroban alat-alat musik do halahi sude, sarupa tu na nipake ni Raja Daud, naposo ni Debata i. Malim Esra Ahli Uhum Ni Debata i ma mardalan di jolo ni barisan i.

NEHEMIA 12:36 ပူးပေါင်းရင်းမြစ်များ

1 JUJUR TAON 23:5

opat ribu halak maniop tugas mangawal, jana opat ribu halak nari mamuji Tuhan mardongan musik na diparade hian.

2 JUJUR TAON 8:14

Hombar tu angka aturan na nibaen ni si Daud amangnia i, dibagi si Salomo ma karejo ari-ari ni angka malim dohot halak Levi na mangurupi angka malim di na mangkarejohon dohot na mangendehon puji-pujian. Songon i muse angka pangawal ni Bagas Ni Tuhan i, dibagi ia do i marrombongan-rombongan di ganop pintu horbangan, hombar tu na niaturkon ni si Daud naposo ni Debata i.

ESRA 7:1

Dung martaon-taon muse, dompak si Artahsasta mamarenta gabe raja di Persia, adong ma sada bayo na margoar si Esra, sian pomparan ni Malim Godang Harun. Songon on ma langka ni sundutnia sian toru tu ginjang: Esra Asarya Hilkia

ESRA 8:1

On ma daftar ni angka kapala ni horong na dung dibuang tu Babel jana mulak rap dohot au tu Jerusalem di na mamarenta si Artahsasta gabe raja:

NEHEMIA 12:24

Dibagi-bagi do halak Levi marrombongan-rombongan, i ma na nipimpin ni si Hasabia, si Serebia, si Jesua, si Binui dohot si Kadmiel. Ganop mamuji Tuhan, dua rombongan ma na markarejo dohot na pasahat tarimakasi tuSia marsibalos-balosan, songon na niaturkon ni Raja Daud, naposo ni Debata i.

AMOS 6:5

Giotmunu ma nian mangkarang-karang ende, songon na nibaen ni si Daud, jana diendehon hamu ma ende i dohot hasapi.