NEHEMIA 12:31 - BIBEL JAMITA NA DENGGAN

³¹ Husuru ma angka pamimpin ni Juda manaek tu tembok i laho mamimpin rombongan na bahat na giot marbaris manghaliangi kota i lalu marende pujian tarimakasi tu Debata. Marbaris ma rombongan na parjolo di ginjang ni tembok i manuju tu siamun tu Horbangan Rompak.

NEHEMIA 12:31 ပူးပေါင်းရင်းမြစ်များ

1 JUJUR TAON 13:1

Dialap tahi Raja Daud ma sude perwirania na mamimpin sasaribu halak dohot na mamimpin marsasaratus halak.

1 JUJUR TAON 28:1

Diparentahon si Daud ma anso marlagut sude pamimpin ni Israel di Jerusalem. Jadi marlagut ma sudena di Jerusalem angka kapala ni marga, na markarejo di pamarenta, angka kapala ni horong, angka pangawas ni sinadongan dohot pahan-pahanan ni raja i maradu angka dakdanakna – pendekna, sude ma disi angka na sangap sian bagas godang, perwira dohot halak na godang-godang.

2 JUJUR TAON 5:2

Dung i disuru Raja Salomo ma sude pamimpin ni marga dohot horong sian bangso Israel anso ro tu Jerusalem laho mangalap Poti Parjanjian ni Tuhan i sian Sion, Kota Ni si Daud, jana marobansa tu Bagas Ni Debata.

NEHEMIA 12:32

Di pudi ni angka parende ma si Hosaya mardalan diihutkon deba sian angka pamimpin ni Juda.

NEHEMIA 12:38

Rombongan ni parende na sada nari i marbaris ma di ginjang ni tembok i manuju tu siambirang jana huihutkon ma i rap dohot deba sian rayat i. Marbaris ma hami mamolus Palas-palas Parapian lopus tu Tembok Bidang.

NEHEMIA 12:40

Jadi lalu ma parende na dua rombongan i di lambung ni Bagas Ni Tuhan. Tamba ni angka pamimpin na di rombonganki,

NEHEMIA 2:13

Borngin dope ari di na lalu hami tu kota i mamolus sian Pintu Horbangan Lombang na di sabola Hasundutan. Adop Selatan ma hami kehe tu Pintu Horbangan Rompak mamolus sian Mata Mual Naga. Hupareso ma di pardalanan i na dung gabe ropuk-ropuk noma tembok ni kota i dohot angka pintu horbanganna i madung abis dipangan api.