NEHEMIA 12:27 - BIBEL JAMITA NA DENGGAN

²⁷ Di na pasahatkon tembok ni kota Jerusalem i tu Tuhan, diontang do sude angka halak Levi sian inganan ni halahi be anso dohot mamestahon peristiwa i marhite angka ende tarimakasi, dohot angka musik gambus bope hasapi.

NEHEMIA 12:27 ပူးပေါင်းရင်းမြစ်များ

2 SAMUEL 6:12

Tarbege ma tu si Daud na dipasupasu Tuhan do si Obed-Edom dohot sude sinadongannia hara ni Poti Parjanjian i. Jadi kehe ma ia tu bagas ni si Obed-Edom jana dipaimbar ia ma Poti i tu Jerusalem mardongan horja godang.

1 RAJA-RAJA 8:63

Na gabe haul haluaan dipasahat Raja Salomo ma tu Tuhan 22.000 lombu dohot 120.000 biri-biri. Songon i ma dibaen Raja Salomo dohot sude Israel pasahatkon bagas parsombaan i tu Debata.

1 JUJUR TAON 13:8

tapi anggo si Daud dohot sude bangso Israel i mardalan ma di jolo ni Poti i manortori dohot marendei marsitutu, didongani sora ni hasapi, gambus, gondang, hersek dohot sarune.

1 JUJUR TAON 15:12

Didok si Daud ma tu halahi, “Hamu do pamimpin ni angka halak Levi marhorong-horong. Jadi hara ni i, jolo paias hamu ma dirimunu rap dohot halak Levi na deba nari anso tarbaen hamu paimbarkon Poti Parjanjian ni Tuhan, Debata ni Israel i, tu inganan na huparade i.

1 JUJUR TAON 15:16

Laing disuru si Daud muse ma angka pamimpin ni halak Levi i anso didok halahi sanga na piga-piga halak sian marga ni halahi laho marende na marlogu jop ni roha mamake hasapi dohot simbal.

1 JUJUR TAON 15:28

Diudurkon halak Israel ma sude Poti Parjanjian i lalu tu Jerusalem marsurak-surak marmoga-moga, dohot sora ni sarune, suling, simbal dohot hasapi.

1 JUJUR TAON 15:4

Jadi disuru ia ma marlagut pomparan ni si Harun dohot halak Levi.

1 JUJUR TAON 16:42

Laing si Heman muse do dohot si Jedutun dibaen mangurus sarune, simbal dohot alat musik na asing laho pariburkon angka ende puji-pujian. Angka dongan sahorong ni si Jedutun na deba nari, markarejo ma i laho manjago pintu horbangan.

1 JUJUR TAON 16:5

Si Asap ma dipili gabe kapalana sude jana si Zakaria ma wakilna. Si Jeiel, si Semiramot, si Jehiel, si Matica, si Eliab, si Benaya, si Obed-Edom dohot si Jeiel, i ma na disuru marhasapi, si Asap mamalu simbal,

1 JUJUR TAON 23:5

opat ribu halak maniop tugas mangawal, jana opat ribu halak nari mamuji Tuhan mardongan musik na diparade hian.

1 JUJUR TAON 26:31

Di taon paopat puluhon mamarenta Raja Daud, dibaen do panangkasion di tonga-tonga ni pomparan ni si Hebron. Sian panangkasion i tarida ma na adong do hape angka parajurit na beteng-beteng na maringanan di Jaeser na di Luat Gilead.

2 JUJUR TAON 29:25

Hombar tu panogu-noguon na nilehen ni Tuhan tu si Daud marhite si Gad, panurirangNia dohot Panurirang Natan, dibaen raja i ma halak Levi di Bagas Ni Debata laho mamiltik hasapi dohot gambus,

2 JUJUR TAON 29:30

Disuru raja dohot angka hatobangon ni rayat i ma endehonon ni angka halak Levi i puji-pujian tu Tuhan na nikarang ni si Daud dohot Panurirang Asap. Marjop ni roha situtu ma sude jolma i na marende i lalu marsinggang manyomba Debata.

2 JUJUR TAON 7:6

Jongjong ma angka malim i di jongjonganna be paadop-adop dohot halak Levi na mamuji Tuhan dohot alat-alat musik na nibaen ni Raja Daud, lalu mangendehon, “Manongtong do holong ni rohaNa sapanjangna,” hombar tu na nidokkon ni si Daud. Diombus angka malim ma sarune, lalu marjongjongan ma rayat i sudena.

ESRA 6:16

Dung i di bagasan jop ni roha ditabalkon halak Israel ma, angka malim, angka halak Levi maradu sude angka na tarbuang i hian ma Bagas Ni Tuhan i.

NEHEMIA 11:20

Rayat Israel, angka malim dohot angka halak Levi na asing i, maringanan di tano ni halahi ma i di angka kota na marragam na adong di Juda.

NEHEMIA 12:43

Di ari i bahat do haul na dihaulkon tu Tuhan. Marmoga-moga ma rayat i dibaen madung marjop ni roha halahi dibaen Debata. Angka dadaboru pe dohot dakdanak dohot do marpesta, jabat do habegean sora ni halahi na marmoga-moga i tu na dao.

NEHEMIA 8:17

Sude do rayat na mulak sian habuangan i mambaen undung-undung, lalu tinggal disi ma halahi. On ma na parjolo situtu dipamasa mamungka sian hatiha ni si Josua anak ni si Nun. Jadi sude do halahi sonang jana marjop ni roha.

MASMUR 149:3

Puji ma goarNa markite-hite angka tortor, puji hamu ma Ia mardongan hasapi dohot gondang!

MASMUR 30:1

Hupuji do Ho ale Tuhan, angke madung dipatongon Ho di au haluaan. Nada dipadiar Ho musungku marsurak manggorai au.

PANGARATAION 16:11

Marjop ni roha ma hamu di adopan ni Tuhan, di inganan paribadatan na sada i, rap dohot angka dakdanakmunu, angka naposomunu dohot halak Levi, halak na asing, na so marama dohot angka na mabalu na tinggal di hutamunu.

PANGARATAION 20:5

Dung i angkon dokkonon ni angka komandan do hata on tu angka tentara i, ‘Adong do ulaning sanga na ise dison na baru pajongjong bagas, na so mambaen pesta marmasuk bagas dope? Anggo adong do, angkon mulak do ia. Angke muda hona bunu ia di parporangan, tontu gabe halak na asing noma na mambaen upacara marmasuk bagas i.

PILIPPI 4:4

Marjop ni roha ma hamu tongtong di bagasan Tuhan i! Sanoli nari hudok: Marjop ni roha ma hamu!

HALUMBAAN 5:8

Jadi taran songon i dope, manungkap ma mahluk na opat i dohot pangituai sidua pulu opat halak i di joloNia. Marsitiop hasapina do pangituai na dua pulu opat halak i dohot mangkuk sere na marisi hamonyan, i ma angka tangiang ni halak na badia.