NEHEMIA 10:38 - BIBEL JAMITA NA DENGGAN

³⁸ Tapi angkon donganan ni malim na sian pomparan ni si Harun do angka halak Levi i muda palagutkon angka haul i halahi. Jana angkon obanon ni angka halak Levi i do saparsampulu ni sude haul i tu angka kamar talobat na di Bagas Ni Tuhan.

NEHEMIA 10:38 ပူးပေါင်းရင်းမြစ်များ

1 JUJUR TAON 9:26

Halak Levi do kapala ni panjago pintu na opat halak i, jana hot do jabatan ni halahi i. Halahi do na martanggung jawab salaho tu angka kamar na di Bagas Ni Debata, bope angka barang-barang na nisimpan disi.

NEHEMIA 13:31

Laing huatur muse ma anso rade dibaen rayat i soban sipakeon tu parhaulan di hatiha na tontu jana dioban haul sian suha ni gandum na parjolo malamun. Ujungna martangiang ma au, “Debatangku, ingot ma sudena on jana ibo ma rohaMu mida au.”

HAMALIMON 27:30

Saparsampulu sian sude suha ni tano bagi na gandum, parbatu ni hayu, di Tuhan do i.

BILANGAN 15:19

Muda dipangan hamu sanga aha na tubu di luat i, angkon paasingonmunu sabagian gabe silehen-lehen hapunjungan di Tuhan.

BILANGAN 15:21

Ro di salolotna, roti na parjolo i angkon lehenonmunu gabe silehen-lehen na mardohonan tu Tuhan.

BILANGAN 18:21

Didok Tuhan ma tu si Harun, “Saparsampulu sian sude na nilehen ni halak Israel di Au, madung Hulehen di halak Levi. On ma upa ni halahi pature-ture Bandar ParmiananKu.

BILANGAN 18:24

angka na gabe teanon ni halahi, madung Hulehen di halahi saparsampulu sian sude bagian na dihaulkon ni halak Israel di Au na gabe silehen-lehen na mardohonan. Hara ni i ma dibaen na Hudok tu halak Levi i bahaso na so adong tean-teanan di halahi di Israel.”

PANGARATAION 14:22

“Ganop taon angkon paindingonmunu do saparsampulu ni sude suha ni sabamunu.