NEHEMIA 10:33 - BIBEL JAMITA NA DENGGAN

³³ Paradeonnami ma angka haporluan ibadat di Bagas Ni Tuhan, i ma: Roti na badia, haul gandum siganop ari, pahan-pahanan baen haul hasesaan ni dosa ni Israel dohot sude sanga aha na porlu di Bagas Ni Tuhan.

NEHEMIA 10:33 ပူးပေါင်းရင်းမြစ်များ

2 JUJUR TAON 2:4

Saonnari au giot mambangun bagas paribadatan na khusus di Tuhan Debatangku. Giot di bagas i ma au dohot rayatku maribadat dohot manutung dupa dohot angka na huskus. Giot tongtong paradeonnami roti na rade diSia. Giot haulkononnami haul situtungon ganop sogot dohot ganop potang, ganop Ari Sabat, Ari Pesta Bulan Na Imbaru dohot di ari na mardohonan na asing i na ditotopkon ni Tuhan Debatanami laho pasangapkon Ia. Na dung diparentahon Ia do i anso patuluson ni halak Israel sapanjangna.

HARURUAR 30:16

Jana angkon pangidoonmu do hepeng pandamei i sian halak Israel jana pargunahononmu ma i pature-ture Bandar ParmiananKu, anso gabe parningotan ma i di adopan ni Tuhan laho paingotkon halak Israel dohot laho patupahon pandamei salaho tu hosamunu sasude.”

KOLOSSE 2:16

Jadi hara ni i, ulang ma padiar hamu digorahon halak hamu hara ni sipanganon sanga siinumon sanga hara ni ari pesta ni ugamo, sanga angka pesta poltak ni bulan sanga pe hara ni Ari Sabat.

IBRANI 10:11

Sasude Malim Ni Jahudi angkon mandalankon karejo hamalimon ganop ari, jana marpupu ia manghaulkon angka haul na sarupa. Hape dosa aha pe nada adong tarsesa angka haul i.