NEHEMIA 10:28 - BIBEL JAMITA NA DENGGAN

²⁸ Hami rayat ni Israel, angka malim, angka halak Levi, angka panjago horbangan ni Bagas Ni Tuhan, angka parmusik dohot angka parkarejo di Bagas Ni Tuhan, maradu dadaboru dohot angka dakdanaknami na dung impas godang mangastui dohot sude halak na marpangoloion tu Uhum Ni Debata jana na dung manyirang dirina sian halak na asing na maringanan di luat on.

NEHEMIA 10:28 ပူးပေါင်းရင်းမြစ်များ

ESRA 2:70

Hot ma maringanan di Jerusalem dohot di angka kota na humaliangna i angka malim, angka halak Levi dohot deba sian rayat i. Angka parende, angka panjago horbangan ni Bagas Ni Tuhan dohot angka parkarejo di Bagas Ni Tuhan dohot angka halak Israel na deba nari i, di angka kota ni ompuna be najolo ma halahi hot.

ESRA 6:21

Sudena ma mangankon haul i, i ma halak Israel na dung mulak sian habuangan dohot halak luat i na dung manadingkon parngoluonna na mardosa jana na ro laho marsomba tu Tuhan, Debata ni Israel.

NEHEMIA 13:3

Dung dibege halak Israel songon i, dipabali halahi ma sude halak sileban sian masarakat ni Israel.

NEHEMIA 8:2

Jadi dioban si Esra ma buku i tu adopan ni na marlagut i, i ma angka halaklahi, dadaboru dohot angka dakdanak na impas godang laho mangastui.

MASMUR 47:7

Raja do Debata di sandok portibi, mardongan angka ende ma Ia tapuji!

PARJAMITA 5:2

Jolo nipikiran ma painte so nidok hata, jana ulang matibutu marjanji tu Debata. Di banua ginjang do Ia jana ho di tano on, jadi bangkol ma ho mandok hatamu.

JEREMIA 4:2

baru pe anso tola hamu marsumpa mangasahon goarKu. Jadi gabe pangidoon ni sandok bangso ma anso Hupasupasu halahi, jana pujion ni halahi ma Au.”

HAMALIMON 20:24

Madung Hujanjihon bahaso tano na mora jana na napu i gabe hamu ma nampuna i, jadi lehenonKu ma i di hamu. Au do Tuhan Debatamu jana madung Hupaasing hamu sian angka bangso na asing i.

SURAT NI SI PAULUS TU PARLAGUTAN ROM 1:1

Sian si Paulus, naposo ni Kristus Jesus, na dipio gabe rasul jana disuru laho mambaritahon Jamita Na Denggan na sian Debata.