NAHUM 3:6 - BIBEL JAMITA NA DENGGAN

⁶ BaenonKu ho songon barang sihagigian, dangguranKu ho dohot kotoran; baenonKu ho gabe sitontonan.

NAHUM 3:6 ပူးပေါင်းရင်းမြစ်များ

JOB 30:19

Disampakkon Ia ma au tu bustak lala, gabe songon rompak do au so mararga!

JOB 30:8

Nada be margoar halahi jana nada be nitorda, i ma angka halak na hona ayak sian luatna.

JOB 9:31

Dipabonom Debata do tu na hodar, iba, salangkan pakeanku pe dohot do mangetong sihagigian iba.

JEREMIA 51:37

Timbunan ni na marsegoan noma luat i, inganan partabunian ni anjing riar. Jorbut hilalaon ni halak marnidasa jana sahalak pe nada adong na ra maringanan disi.

ANDUNG 3:16

Diogoskon Ia bohingku tu tano, disotukkon Ia iponku tu batu lopus maropang.

JEHESKIEL 16:37

Jadi hara ni i, palagutonKu ma sude angka haholongan ni rohami humani, hasudungan ni rohamu dohot goyak ni rohamu. Jongjong ma halahi manghuliangi ho jana talgangan ni halahi ma sude pakeanmu, jabat idaon ni mata ni halahi pamatangmu na marsaemara i.

NAHUM 1:14

On ma haputusan ni Tuhan maradopkon Asur, “Nada marpomparan be halahi laho paudut sundut ni bangsona. RoncohononKu ma angka patung ni gana-ganaan na adong di angka bagas pamelean ni debata ni halahi. Hatiha manghuar kuburan ma Au di bangso Asur, angke nada patut be halahi mangolu!”

HABAKUK 2:16

Saonnari geleranmu noma pailaon, jana nada na giot dipasangap. Muba ma hasangapanmu gabe habilean. Paksaon ni Tuhan noma ho minum sian panginuman na marisi uhuman. Minum ma ho lopus mabuk jana lenong-lenong.

ZEPANYA 2:15

Songon i ma na masa i di kota na mangasahon hagogoonna i, jana na mangetong dirina sonang so haribo-riboan. Diambang halak kota i do kota ni halahi i ma na gumodang di sandok tano on. Santak lungun ni luat i, nada adong halak maringanan disi asing sian angka binatang harangan na marasari disi! Tarsonggot ma sanga ise na mamolus di kota i jana mabiar pangkilalaanna.

MALEAKI 2:2

Ninna Tuhan Na Markuaso: “Muda nada ditangihon, jana nada diparate-atehon hamu laho pasangapkon goarKu, baenonKu ma bura tu tonga-tongamunu jana angka pasupasumu gabe bura, jana madung Hubaen i gabe bura, harana nada diparate-atehon hamu.

MALEAKI 2:3

UhumonKu ma angka dakdanakmunu jana lapuhononKu tu bohimunu i kotoran ni pahan-pahanan na nihaulkonmunu i, jana hamu saratonKu tu ginjang ni kotoran i.

MALEAKI 2:9

Jadi Au sian pihakKu, baenonKu ma halak Israel marlayas ni roha tu hamu hara ni na so dioloi hamu hagiotKu, dohot hara ni na marnida bohi hamu dompak mangajari bangsongKu.”

1 KORINTUS 4:13

muda dipalayas-layas halak hami lambok do hatanami mangalusi i. Nada tuk hami songon rompak-rompak ni portibi on; lopus tu hatiha on, laing dietong do hami songon na hodar ni portibi on.

1 KORINTUS 4:9

Harana anggo mangihutkon pandapotku, dilehen Debata do di hami angka rasul inganan na tumoruk, dos songon halak na niuhum tu hamatean, angke madung gabe sitontonan hami diportibi on, dijolo ni jolma dohot angka surusuruan.

IBRANI 10:33

Huhul hona incak do hamu jana gabe sitontonan di jolo ni halak na bahat. Huhul laing dohot do hamu manaon dohot halahi na manaon songon i,

JUDAS 1:7

Laing ingot hamu ma kota Sodom dohot Gomora dohot angka kota na humaliang i, na niinganan ni halak angka na mambaen pangalaho songon na nibaen ni angka surusuruan i. Angka pangalaho na rorang dohot na mangoloi hagiot ni sibukna do dipambaeni halahi, gabe hona uhum ma halahi dohot api na so ra mintop, baen sipaingot tu halak sudena.