NAHUM 3:19 - BIBEL JAMITA NA DENGGAN

¹⁹ Nada haubatan be gasamu, angka bugangmu pe nada tarpamalum be. Martopap be marjop ni roha sude halak na umbege hasesegomu. Angke madung sude halak marhancit patunda ni hajahatanmu na so marujung i.

NAHUM 3:19 ပူးပေါင်းရင်းမြစ်များ

JOB 27:23

Dompak marlojong ia, marngius-ngius ma alogo i songon halingsungsung, mambaen ia mabiar hara ni hagogoan na mangagohon.”

JESAYA 37:11

Madung dibege ho, ganop luat na niserang ni angka raja ni Asur, diropuk do sude. Diambang ho do lakna tarbaen ho malua?

JESAYA 37:18

Sude do hami umbotosa ale Tuhan, na dung bahat bangso na nipusa ni angka raja ni Asur dohot angka luat na nisegohon ni halahi.

JEREMIA 10:22

Tangihon hamu ma! Adong barita na paboahon sada bangso di Utara na mambaen hagaoran. Gabe mamolngit jana gabe lobu ma angka kota ni Juda baenon ni tentarana. Martabuni disi ma angka sorigala.”

JEREMIA 30:12

Satutuna, songon on do didok Tuhan: “Santak do hancit ni nyaemu, nada tarpamalum bugangmu.

JEREMIA 46:11

Hamu ale angka halak na maringanan di Mesir, nada margogo sude angka ubatmunu i laho pamalumkon hamu. Jadi hara ni i, kehe ma hamu manjalahi ubat tu Gilead!

ANDUNG 2:15

Mangincahi ma tu hamu angka pamolus jana martata, dibaen madung sego kota Jerusalem sudena. Didok halahi, “I ma he ibana kota na jumeges lakna? Kota pujian ni portibi on sudena?”

JEHESKIEL 25:6

Mangkuling ma Tuhan Debata i, “Martopapi hamu marjop ni roha. Layas diida hamu tano Israel i.

JUNUS 1:2

Ning Ia ma, “Kehe ma ho tu Ninive, tu kota na godang i laho mangancam kota i, angke madung lalu tu Au hajahatan ni halahi.”

MIKA 1:9

Nada tarpamalum be gasa ni Samaria, jana laing hona muse ma pangalaho na sarupa tu Juda. Ma pola lalu parmaraan godang tu pintu horbangan ni Jerusalem, inganan ni bangsongku.”

HALUMBAAN 13:7

Dipatola muse do ia mangalo tu halak na badia bope manaluhon halahi. Jana dipasahat do tusia mangkuasoi sude marga, negara, bahasa dohot bangso.

HALUMBAAN 17:2

Na markamainan do angka raja ni portibi on dohot panggampang godang i jana gabe mabuk do halak na mangingani tano on hara ni na minum anggur ni panggampang i.”

HALUMBAAN 18:20

Marjop ni roha ma hara ni ia, ale banua ginjang, dohot hamu halak na badia, angka rasul dohot angka panurirang, harana madung diuhumi Debata ia hara ni pambaenannia maradopkon hamu!