NAHUM 3:18 - BIBEL JAMITA NA DENGGAN

¹⁸ Ale raja ni tano Asur! Mapola marmatean angka gubernurmu, angka bupatimu pe ma pola modom salolot-lolotna. Rayatmu marserak di angka dolok, jana nada adong sahalak pe tarbaen maroban halahi mulak.

NAHUM 3:18 ပူးပေါင်းရင်းမြစ်များ

1 RAJA-RAJA 22:17

Dialusi si Mika ma, “Huida do tentara ni halak Israel marserak di dolok-dolok. Songon biri-biri na so marparmahan do halahi. Jadi hara ni i gabe didok Tuhan do salaho tu halahi, ‘Nada adong pamimpin ni angka jolma on; padiar ma mulak halahi di bagasan hatorkisan.’ ”

HARURUAR 15:16

Biar dohot sursar mandondoni halahi; O Tuhan, paida-ida gogoMi, jana umpe margogo be jongjong hara ni na humitir halahi lopus mamolus bangsoMi – bangso na nipaluaMu sian parhatobanan i.

JESAYA 13:14

Halak na asing na maringanan di Babel lari ma i tu luatna be; marserak noma halahi songon ursa na marlojong sian parburu sanga songon biri-biri sahulanan na so marparmahan.

JESAYA 47:1

“Mijur jana juguk ma ho di gincat ni orbuk, ale bujing-bujing, boru Babel! Juguk ma ho di gincat ni tano, jana nada be marhabangsa, ale boru Kasdim! Harana nada be dohonon ho na jogi jana na jeges.

JEREMIA 50:18

Hara ni i, Au Tuhan Na Markuaso, Debata ni Israel, uhumanKu ma Raja Nebukadnesar dohot luatnia i laing songon panguhumingKu di raja Asur.

JEREMIA 51:39

Di na manggogo roha ni halahi giot mangan, pasingkoponKu ma sipanganon di halahi, jana baenonKu ma halahi mabuk jana ribur lopus tarpodom jana nada tarsunggul-tarsunggul be.

JEREMIA 51:57

BaenonKu ma mabuk angka parkuaso ni Babel – angka hatobangon, pamimpin, dohot tentara, lopus tarpodom halahi salolot-lolotna. Madung Hudok hatana; Au ma da Raja, Au do Tuhan Na Markuaso.

HALUMBAAN 6:15

Dung i martabuni be ma angka raja na di tano on, angka halak na godang, angka panglima ni angka parporang, angka halak na marsinadongan dohot angka na markuaso dohot angka halak na asing i, bope hatoban dohot na mardeka marmasuhan ma tu bagasan angka liang dohot tu holang-kolang ni angka batu na di dolok.