NAHUM 2:9 - BIBEL JAMITA NA DENGGAN

⁹ Rampasi sude sere dohot perakna! Harana nada marnaabis angka arta, marlobian do dison arta na jeges.

NAHUM 2:9 ပူးပေါင်းရင်းမြစ်များ

2 JUJUR TAON 36:10

Di pargontian ni taon, dioban si Nebukadnesar ma si Joyakin tu Babel gabe tahanan, jana dohot do angka barang sigodang arga na adong di Bagas Ni Tuhan dioban ia muse. Dung i diangkat si Nebukadnesar ma si Zedekia angkang ni si Joyakin gabe raja di Juda dohot di Jerusalem.

JESAYA 33:1

Marjaya ma angka musunta! Manyamun do halahi jana manyegoi haru pe nian na hona samun halahi sanga disegoi. Tapi nada dapot halahi be hatiha laho mambaen songon i, halahi sandiri noma na hona samun dohot na dihianati.

JESAYA 33:4

Rampason noma sinadongan ni halahi jana obanon gabe taban-taban.

JEREMIA 25:34

Hamu angka pamimpin, dohot angka parmahan ni bangso ni Tuhan! Pagogo hamu ma partangismunu! Margiling-giling ma hamu di abu, dibaen madung dapot hatihana bunuon hamu; sambolon ma hamu songon biri-biri na dibante.

JEREMIA 46:5

Tapi bia do ninna Tuhan! “Munduk do halahi Huida hara ni na tarsonggot. Madung dipukul mundur angka tentara ni halahi, biar sajo roha ni halahi, gabe mangido halahi jana nada manaili tu pudi.

JEREMIA 51:56

Ro do halahi laho manyegohon Babel, manangkupi angka tentarana lalu manipul-nipul angka sinjatana. Au ma da Tuhan na manguhumi hajahatan jana baenonKu ma tu Babel hombar tu pambaenanna.

JEHESKIEL 26:12

Rampason ni angka musumi ma sandok sinadonganmu dohot jagalanmu. Parrumpakkonon ni halahi ma angka tembokmu jana sego-segoonna angka bagasmu na jeges i. Pambuatan ni halahi ma angka batuna i, angka papanna dohot tanona jana ambungkonon ni halahi tu laut.

DANIEL 11:8

Di na laho mulak ia tu Mesir, obanonnia ma patung ni debata ni musuna i dohot barang-barang sere dohot perak na dung dihaulkon tu debatana i. Nada porangonnia be raja ni Siria piga-piga taon.

NAHUM 3:17

Songon siapor do angka halak na godang sian ho, na marsiholip di angka tembok taran di ngali ni ari. Tapi dung bincar mataniari, manigor mago be ma halahi marhabangan; sahalak pe nada adong umboto sanga na tu dia halahi kehe.

HALUMBAAN 18:12

Angka barang-barang sere dohot perak, dohot batu intan dohot simata dohot abit na alus dohot abit ungu dohot surto dohot abit hasumba dohot ragam-ragam ni hayu na huskus dohot ragam-ragam ni panjamaan sian gading dohot rupa-rupa ni parkokas sian hayu na arga dohot sian tumbaga, sian bosi, dohot pualam,

HALUMBAAN 18:16

Jana didokkon halahi ma, “Marjaya, marjaya ma kota na godang i, na marpakean linen na alus, dohot abit ungu dohot abit na rara, na nitabur dohot sere dohot batu intan dohot simata!